ലോക്ക് ഡൗൺ കഴിഞ്ഞെത്തുന്ന വിനോദ സഞ്ചാരികളെ വരവേൽക്കാൻ ഉദ്യാനം അണിഞ്ഞൊരുങ്ങുന്നു.
മലമ്പുഴ..
വിനോദ സഞ്ചാരികളുടെ ആളനക്കമില്ലെങ്കിലും അണിഞ്ഞൊരുങ്ങുകയാണ് മലമ്പുഴ ‘ ഓണത്തെ ആനന്ദലഹരിയിലാക്കാനാണ് ഉദ്യാനത്തിൽ സൗന്ദര്യത്തിൻ്റെ വേരുപിടിപ്പിക്കുന്നത് ‘ ലോക്ക് ഡൗൺ മലമ്പുഴ ഡാമിനും ഉദ്യാനത്തിനും ഒറ്റപ്പെടലിൻ്റെ ദിനങ്ങളാണ് ‘ രോഗവ്യാപനത്തിൻ്റെ പേരിൽ പ്രവേശനം വിലക്കിയതോടെയാണ് കേരളത്തിലെ അറിയപ്പെടുന്ന ഉദ്യാനമായ മലമ്പുഴ പൂർണ്ണമായും ഒറ്റപ്പെട്ടു കഴിഞ്ഞത്. മലമ്പുഴയിൽ ആളനക്കം നിലച്ചതോടെ സഞ്ചാരികളെ ആശ്രയിച്ച് മാത്രം തെരുവുകച്ചവടം നടത്തിയ നിരവധി പേരാണ് വഴിയാധാരമായത് ‘ ടാക്സി മേഖലയിൽ തൊഴിലെടുത്തവരും കഷ്ടതയുടെ ചൂളയിലാണ് ‘സർവ്വതും നിശ്ചലമായെങ്കിലും ഉദ്യാനപാലകർ തിരക്കിലാണ്.പുതിയ ചെടികൾ വെച്ചുപിടിപ്പിക്കലും കേടുവന്നവ പറിച്ചു മാറ്റിയും നിലം ഒരുക്കി വളമിട്ടും പണിതിരക്കിലാണ് അവർ.
അധികം വൈകാതെ ലോക്ക് ഡൗൺ വിട പറയുമെന്ന പ്രതീക്ഷയിൽ ഉദ്യാനനവീകരണം നടത്തുകയാണ് ഉദ്യാനപാലകർ ‘ വിവിധ വർണ്ണങ്ങളുള്ള നൂറുകണക്കിന് പൂച്ചെടികളാണ് പുതിയതായി നട്ടുപിടിപ്പിക്കുന്നത് ‘ ഉദ്യാനത്തിനകത്തെ ചെറു ജലാശയങ്ങളും നവീകരിക്കുന്നുണ്ട് ‘ വർണ്ണ വിസ്മയം തീർക്കുന്ന വൈദ്യുതാലങ്കാരങ്ങളിലും നൂതന വിദ്യകൾ കോർത്തിണക്കുന്നുണ്ട് ‘ എല്ലാം ഓണത്തെ വരവേൽക്കാനാണ് ‘ ഓണം പ്രതീക്ഷയാണ് മനുഷ്യരുടെ മാത്രമല്ല ഉദ്യാനസുന്ദരിയുടെയും
