ലോ​ക്ഡൗ​ണ്‍ കാ​ല​ത്തെ കെ​ട്ടി​ട​വാ​ട​ക ഒ​ഴി​വാ​ക്കി​ മാതൃകയായി വ്യാപാരി

മ​ണ്ണാ​ർ​ക്കാ​ട് : കേ​ര​ള വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി മ​ണ്ണാ​ർ​ക്കാ​ട് യൂ​ണി​റ്റ് സെ​ക്ര​ട്ട​റി​യേ​റ്റ് അം​ഗ​വും മ​ണ്ണാ​ർ​ക്കാ​ട് ജ​ന​ത ഹോം ​ടെ​ക്ക് സ്ഥാ​പ​ന ഉ​ട​മ​യു​മാ​യ സ​ജി​യാ​ണ് കോ​ട​തി​പ്പ​ടി​യി​ലെ ത​ന്‍റെ ഉ​ട​മ​സ്ഥ​ത​യി​ലു​ള്ള ര​ണ്ട് കെ​ട്ടി​ട​ത്തി​ലെ ഇ​രു​പ​തോ​ളം റൂ​മു​ക​ളി​ൽ വ്യാ​പാ​രം ചെ​യ്യു​ന്ന വ്യാ​പാ​രി​ക​ൾ​ക്ക് മേയ് മാ​സം ര​ണ്ടു മു​ത​ൽ പ​തി​നാ​റാം തി​യ്യ​തി​വ​രെ​യു​ള്ള ലോ​ക്ക് ഡൗ​ണി​ൽ അ​ട​ച്ചി​ടു​ന്ന ദി​വ​സ​ങ്ങ​ളി​ലെ മു​ഴു​വ​ൻ വാ​ട​ക​യും ഒ​ഴു​വാ​ക്കി കൊ​ടു​ത്ത​ത്.

ഇ​ന്ന​ത്തെ അ​വ​സ്ഥ​യി​ൽ ഒ​രു മു​റി വാ​ട​ക​ക്കെ​ടു​ത്ത് ഒ​രു സ്ഥാ​പ​നം ന​ട​ത്തി​കൊ​ണ്ടു പോ​കു​വാ​നു​ള്ള ബു​ദ്ധി​മു​ട്ടു​ക​ൾ നേ​രി​ട്ട് അ​റി​യാ​വു​ന്ന ഒ​രു വ്യാ​പാ​രി​യാ​യ​ത് കൊ​ണ്ടാ​ണ് താ​ൻ ഇ​തി​ന് മു​തി​രു​ന്ന​തെ​ന്ന് സ​ജി പ​റ​ഞ്ഞു. ക​ഴി​ഞ്ഞ​വ​ർ​ഷ​ത്തെ ഒ​ന്നാം ലോ​ക്ഡൗ​ണ്‍ കാ​ല​ത്തും സ​ജി കെ​ട്ടി​ട​വാ​ട​ക ഒ​ഴി​വാ​ക്കി​യി​രു​ന്നു. ഈ ​മാ​തൃ​ക മ​റ്റു​കെ​ട്ടി​ട ഉ​ട​മ​ക​ളും പി​ൻ​തു​ട​രു​മെ​ന്ന പ്ര​തീ​ക്ഷ​യി​ലാ​ണ് മ​ണ്ണാ​ർ​ക്കാ​ട്ടെ വ്യാ​പാ​രി​ക​ൾ.