വിവാദങ്ങള്ക്ക് പിന്നാലെ കര്ശന നിര്ദേശവുമായി മുഖ്യ തെരഞ്ഞെടുപ്പ് കമ്മീഷൻ
കേന്ദ്രങ്ങളില് അതീവ ജാഗ്രത പാലിക്കാനും വോട്ടെണ്ണല് പൂർത്തിയാകുന്നത് വരെ യാതൊരു കാരണവശാലും മുറികള് തുറക്കരുതെന്നും മുഖ്യ തെരഞ്ഞെടുപ്പ് ഓഫീസർ കർശന നിർദേശം നല്കി.
പാലക്കാട് നെന്മാറ മണ്ഡലത്തിലെ മെറ്റീരിയല് റൂം തുറക്കാൻ തീരുമാനിച്ച സംഭവത്തില് ജില്ലാ കളക്ടറോട് മുഖ്യ തെരഞ്ഞെടുപ്പ് ഓഫീസർ വിശദീകരണം തേടിയിട്ടുണ്ട്. വിക്ടോറിയ കോളേജിലെ സ്ട്രോങ്ങ് റൂമിനോട് ചേർന്നുള്ള മെറ്റീരിയല് റൂം തുറക്കാനുള്ള നീക്കം രാഷ്ട്രീയ പാർട്ടികളുടെ എതിർപ്പിനെത്തുടർന്ന് നിർത്തിവെച്ചിരുന്നു. ‘ഫോം 17 A’ എടുക്കാനും വെബ്സൈറ്റിലെ വിവരങ്ങള് അപ്ഡേറ്റ് ചെയ്യാനുമാണ് മുറി തുറക്കാൻ തീരുമാനിച്ചതെന്ന് പാലക്കാട് ജില്ലാ കളക്ടർ എം.എസ്. മാധവിക്കുട്ടി വിശദീകരിച്ചെങ്കിലും സ്ഥാനാർത്ഥികളുടെ സാന്നിധ്യത്തില് മാത്രമേ ഇത്തരം നടപടികള് പാടുള്ളൂവെന്ന് കമ്മീഷൻ ഓർമ്മിപ്പിച്ചു.
