വടക്കഞ്ചേരി കിഴക്കഞ്ചേരി കണച്ചിപ്പരുതയിൽ നിർമാണം പൂർത്തിയായ ഓക്സിജൻ പ്ലാന്റിൽ ഉൽപ്പാദനം ആരംഭിച്ചു. വെള്ളിയാഴ്ച രാവിലെയാണ് പ്രവർത്തനം തുടങ്ങിയത്. ഉൽപ്പാദനം ആരംഭിച്ചെങ്കിലും പെട്രോളിയം ആൻഡ് എക്സ്പ്ലോസീവ് സേഫ്റ്റി ഓർഗനൈസേഷൻ(പെസോ)ന്റെ അന്തിമപരിശോധനയ്ക്ക്ശേഷംമാത്രമെ വിതരണം നടത്തു. പെസോയുടെ അന്തിമ അനുമതി ശനിയാഴ്ച ലഭിക്കും.
ഞായറാഴ്ച വിതരണം തുടങ്ങാനാകും. വാതക––ദ്രാവകരൂപത്തിലുള്ള ഓക്സിജനാണ് വിതരണം ചെയ്യുക. മെഡിക്കൽ ആവശ്യത്തിന് മാത്രമാകും ആദ്യഘട്ട ഉൽപ്പാദനം. സർക്കാർ നിർദേശപ്രകാരമായിരിക്കും വിതരണമെന്ന് പ്ലാന്റ് ഉടമ പീറ്റർ സി മാത്യൂസ് പറഞ്ഞു. ഇതിനായി സർക്കാർ തലത്തിൽ പ്രത്യേക നോഡൽ ഓഫീസറെ നിയമിച്ചു. പ്ലാന്റിന്റെ പ്രവർത്തനം വിലയിരുത്താൻ കലക്ടർ മൃൺമയി ജോഷി ശശാങ്ക് കഴിഞ്ഞദിവസം പ്ലാന്റ് സന്ദർശിച്ചു
