പിങ്ക് കാർഡുകാർക്ക് ഓണക്കിറ്റ് വിതരണം ഉടൻ

പാലക്കാട്‌
ഓണത്തിന് മുന്നോടിയായി റേഷൻകട വഴിയുള്ള ഓണക്കിറ്റ് വിതരണം മുന്നോട്ട്. അന്ത്യോദയ അന്നയോജന വിഭാഗക്കാർക്കാണ്‌ (മഞ്ഞകാർഡ്‌) നിലവിൽ കിറ്റ്‌ നൽകുന്നത്. മുൻഗണനക്കാർക്കുള്ള (പിങ്ക്‌) കിറ്റ് വിതരണം ഉടൻ ആരംഭിക്കും.
20നകം മുൻഗണനേതര സബ്‌സിഡി വിഭാഗത്തിനും (നീല) മുൻഗണനേതര സബ്‌സിഡി ഇതര വിഭാഗത്തിനും (വെള്ള) കിറ്റ് എത്തിക്കും.
ജില്ലയിലെ 105 കേന്ദ്രങ്ങളിലാണ് ഓണക്കിറ്റുകൾ തയ്യാറാക്കുന്നത്. 7,81,661 റേഷൻ കാർഡുകളിലെ 30,98,559 ഗുണഭോക്താക്കൾക്ക്‌ ഓണക്കിറ്റ്‌ ലഭിക്കും.
ഒരു കിലോ പഞ്ചസാര, അരലിറ്റർ വെളിച്ചെണ്ണ, അരക്കിലോ ചെറുപയർ, 250 ഗ്രാം തുവരപ്പരിപ്പ്‌, 100 ഗ്രാംവീതം തേയില, മുളക്‌ അല്ലെങ്കിൽ മുളകുപൊടി, മഞ്ഞൾപ്പൊടി, 180 ഗ്രാം വീതം സേമിയ അല്ലെങ്കിൽ പാലട അല്ലെങ്കിൽ 500 ഗ്രാം ഉണക്കലരി, 50 ഗ്രാം കശുവണ്ടിപ്പരിപ്പ്‌, 20 ഗ്രാം ഏലയ്‌ക്ക 50 മില്ലീ നെയ്യ്‌, 100 ഗ്രാം ശർക്കര വരട്ടി അല്ലെങ്കിൽ ഉപ്പേരി, ഒരു കിലോ ആട്ട, ഒരു കിലോ ശബരി പൊടിയുപ്പ്‌, ഒരു ശബരി ബാത്ത്‌ സോപ്പ്‌ എന്നിവയാണ് കിറ്റിലുള്ളത്.