സംസ്ഥാനത്ത് വാക്സിൻ ക്ഷാമം രൂക്ഷം:
വാക്സിനേഷൻ കേന്ദ്രത്തില് അനുഭവപ്പെട്ട തിക്കും തിരക്കും
വാക്സിനേഷൻ കേന്ദ്രങ്ങളിൽ വൻ തിരക്ക് എവിടേയും ജനങ്ങൾ അകലം പാലിക്കുന്നില്ല
പാലക്കാട്: കോവിഡ് വാക്സിൻ ക്ഷാമം രൂക്ഷമായതോടെ പാലക്കാട് അടക്കം പലയിടത്തും വാക്സിനേഷൻ കേന്ദ്രങ്ങളിൽ ജനങ്ങളുടെ തള്ളിക്കയറ്റം. മോയൻസ് എൽപി സ്കൂളിൽ നടക്കുന്ന മെഗാ വാക്സിനേഷൻ ക്യാമ്പിൽ ടോക്കൺ വിതരണത്തിനിടെ വാക്ക് തർക്കവും സംഘർഷാവസ്ഥയുമുണ്ടായി.സാമൂഹ്യ അകലം പാലിക്കാതെയാണ് ഇവിടെ ജനങ്ങൾ തിങ്ങിക്കൂടിയത്.
രാവിലെ ആറു മണി മുതൽ വാക്സിനു വേണ്ടി ജനങ്ങൾ സ്കൂളിൽ എത്തിയിരുന്നു. കോവിൻ ആപ്പിൽ രജിസ്റ്റർ ചെയ്യാത്തവരും ധാരാളമായി ഇവിടെ എത്തിയിരുന്നു. രജിസ്റ്റർ ചെയ്തവർക്ക് ടോക്കൺ നൽകുകയും അല്ലാത്തവരോട് ക്യൂവിൽ നിൽക്കാൻ ആവശ്യപ്പെടുകയും ചെയ്തിരുന്നു. ഇവരെ പരിഗണിച്ചില്ല എന്നാരോപിച്ചാണ് പ്രശ്നം ആരംഭിച്ചത്
പാലക്കാട് മോയൻസ് എൽപി സ്കൂളിൽ നടക്കുന്ന മെഗാ വാക്സിനേഷൻ ക്യാമ്പിലും വലിയ തിരക്കാണ് അനുഭവപ്പെട്ടത്.
കഴിഞ്ഞ മൂന്നു ദിവസവും ഈ വാക്സിനേഷൻ കേന്ദ്രത്തിൽ വലിയ ജനത്തിരക്കനുഭവപ്പെട്ടിരുന്നു. വരിനിന്നിട്ടും വാക്സിൻ ലഭിക്കാതെ നിരവധി പേർ മടങ്ങിപ്പോവുകയും ചെയ്തു. ചെറിയ രീതിയിലുള്ള തർക്കവും കഴിഞ്ഞ ദിവസം ഈ കേന്ദ്രത്തിൽ ഉണ്ടായിരുന്നു.
