ആർഎസ്എസിന്റെ ആക്രമണത്തിനെതിരേ യൂത്ത് കോണ്ഗ്രസ് പ്രകടനം നടത്തി
വടക്കഞ്ചേരി : പാളയത്ത് യൂത്ത് കോണ്ഗ്രസ് പ്രവർത്തകനായ ശിവനെ ആർഎസ്എസ് പ്രവർത്തകർ വെട്ടിപരിക്കേൽപ്പിച്ച സംഭവത്തിൽ യൂത്ത് കോണ്ഗ്രസ് പ്രവർത്തകർ ടൗണിൽ പ്രകടനം നടത്തി.
ജില്ലയിലെ മുഴുവൻ നിയോജകമണ്ഡലങ്ങളിലും ഇന്ന് പ്രതിഷേധ പ്രകടനം നടത്തുമെന്ന് യൂത്ത് കോണ്ഗ്രസ് ജില്ലാ പ്രസിഡന്റ് ടി.എച്ച് ഫിറോസ് ബാബു അറിയിച്ചു.
യൂത്ത് കോണ്ഗ്രസ് തരൂർ നിയോജക മണ്ഡലം കമ്മിറ്റി വടക്കഞ്ചേരിയിൽ നടത്തിയ പ്രതിഷേധ പ്രകടനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. യൂത്ത് കോണ്ഗ്രസ് തരൂർ നിയോജക മണ്ഡലം പ്രസിഡന്റ് സുനിൽ ചുവട്ടുപാടം അധ്യക്ഷത വഹിച്ചു. യൂത്ത് കോണ്ഗ്രസ് സംസ്ഥാന ജനറൽ സെക്രട്ടറി കെ.എം.ഫെബിൻ, ജില്ലാ സെക്രട്ടറി പ്രമോദ് തണ്ടലോട്, പ്രതീഷ് മാധവൻ, വടക്കഞ്ചേരി മണ്ഡലം കോണ്ഗ്രസ് പ്രസിഡന്റ് കെ.മോഹൻദാസ്, കെ എസ് യു തരൂർ നിയോജകമണ്ഡലം പ്രസിഡന്റ് അജ്മൽ, റെജി കെ.മാത്യു, രമേശ് പ്രധാനി, ഷാഹിദ് ആലത്തൂർ, ബാബു മാധവൻ, നിർഷാദ് കാരയങ്കാട്, സി.വി അനൂപ് പ്രസംഗിച്ചു. സംഭവത്തിൽ ബ്ലോക്ക് കോണ്ഗ്രസ് കമ്മിറ്റി പ്രതിഷേധിച്ചു.
ബ്ലോക്ക് പ്രസിഡന്റ് വി.അയ്യപ്പൻ അധ്യക്ഷത വഹിച്ചു. മണ്ഡലം പ്രസിഡന്റുമാരായ കെ.മോഹൻ ദാസ് , കെ.എസ്. മുഹമ്മദ് ഇസ്മയിൽ, സി.ജയരാജ്, എൻ.രവി, എം.എസ് അബ്ദുൾ ഖുദ്ദൂസ് എന്നിവർ പ്രസംഗിച്ചു.
ഇന്നലെയാണ് കോൺഗ്രസ് ബൂത്ത് പ്രസിഡണ്ടായ ശിവനെ വെട്ടി പരിക്കേൽപ്പിച്ചത് ഗുരുതരമായി പരിക്കേറ്റ ശിവൻ തൃശൂരിലെ സ്വകാര്യ ആശുപത്രിയിൽ ചികിത്സയിലാണ്
വ്യക്തി വൈരാഗ്യമാണ് എന്നാണല്ലോ മാതൃഭൂമി പത്രത്തിൽ വന്ന റിപ്പോർട്ട്. അതിനെ RSS ആക്രമണം എന്നു എന്താണ് പ്രചാരണം നടത്തുന്നത്. തെറ്റായ വാർത്ത കൊടുക്കുന്നത് ശരി അല്ല.
വ്യക്തി വൈരാഗ്യമാണ് എന്നാണല്ലോ മാതൃഭൂമി പത്രത്തിൽ വന്ന റിപ്പോർട്ട്. അതിനെ RSS ആക്രമണം എന്നു എന്താണ് പ്രചാരണം നടത്തുന്നത്. തെറ്റായ വാർത്ത കൊടുക്കുന്നത് ശരി അല്ല.