ബൈക്കിലെത്തി മാല പറിക്കാൻ ശ്രമം: യുവാവ്​ പിടിയിൽ

ബൈക്കിലെത്തി മാല പറിക്കാൻ ശ്രമം: യുവാവ്​ പിടിയിൽtext_fieldsbookmark_border
ബൈക്കിലെത്തി മാല പറിക്കാൻ ശ്രമം: യുവാവ്​ പിടിയിൽ
മലമ്പുഴ: ബൈക്കിലെത്തി മാല പറിക്കാൻ ശ്രമം നടത്തിയ യുവാവ്​ പിടിയിൽ. കെ​ാ​േട്ടക്കാട്​ പടലിക്കാട്​ സ്വദേശി വിപിൻദാസ്​ (30) ആണ്​ പിടിയിലായത്​. മലമ്പുഴ-കഞ്ചിക്കോട് പാതയിൽ ഫോറസ്​റ്റോഫിസിന് സമീപമാണ് സംഭവം. തിങ്കൾ രാവിലെ 9.30ന് ഇരുചക്രവാഹനത്തിൽ വരുകയായിരുന്ന കരിമ്പ സ്വദേശിയായ യുവതിയുടെ മാലയാണ് പിടിച്ചുപറിക്കാൻ ശ്രമിച്ചത്. യുവതി ചെറുത്തതോടെ മോഷണശ്രമം പരാജയപ്പെട്ട വിപിൻദാസ്​ ബൈക്കിൽ കടന്നുകളയുകയായിരുന്നു. തുടർന്ന്​ മലമ്പുഴ ചെക്ക് ഡാം പാലത്തിന്​ സമീപം മറഞ്ഞുനിന്ന ഇയാൾ വീണ്ടും മാല പൊട്ടിച്ചെങ്കിലും യുവതി ചെയിനിൽ പിടിച്ചതോടെ ശ്രമം വീണ്ടും പരാജയപ്പെട്ടു. പിന്നീട്​​ ഇയാൾ പാലക്കാട്​ റോഡുവഴി രക്ഷപ്പെടുകയായിരുന്നു. യുവതി മലമ്പുഴ ടൂറിസം പൊലീസിൽ വിവരമറിയിച്ചു. കറുത്ത പൾസർ ബൈക്കിൽ, ഹെൽമറ്റില്ലാതെ മാസ്ക്ക് ധരിച്ച മെലിഞ്ഞ ആളാണെന്നായിരുന്നു മൊഴി. നമ്പർ ​പ്ലേറ്റ്​ ഇലകൊണ്ട് മറച്ചിരുന്നതായും യുവതി നൽകിയ മൊഴിയിലുണ്ടായിരുന്നു. തുടർന്ന്​ മലമ്പുഴ പൊലീസ് നടത്തിയ അന്വേഷണത്തിൽ പ്രതി പിടിയിലാവുകയായിരുന്നു. വിപിൻദാസിനെ ബുധനാഴ്ച കോടതിയിൽ ഹാജരാക്കും. എസ്​.​െഎ പത്മരാജ്, എ.എസ്​.​െഎ രമേശ്, എസ്​.സി.പി.ഒ സത്യനാരായണൻ, സി.പി.ഒമാരായ മനീഷ്, ഷിജു ഫ്രാൻസിസ് എന്നിവർ അന്വേഷണസംഘത്തിലുണ്ടായിരുന്നു.