വിവിധ വ്യാപാരി സംഘടനകളുടെ കൂട്ടായ്മ നടത്തി
പാലക്കാട്: കേരളത്തിലെ വ്യാപാരവ്യവസായ മേഖലയിലെ വിവിധ സംഘടനകളുടെ കൂട്ടായ്മ പാലക്കാട് ജോബീസ് മാളിൽ വച്ച് നടന്നു. കൂട്ടായ്മ വ്യാപാരി വ്യവസായി ഏകോപന സമിതി സംസ്ഥാന പ്രസിഡൻറ് ജോബി വി.ചുങ്കത്ത് ഉദ്ഘാടനം ചെയ്തു.
വ്യാപാരികൾ നേരിടുന്ന വിവിധങ്ങളായ പ്രശ്നങ്ങൾ പരിഹരിക്കാൻ കഴിയുന്ന രീതിയിൽ എല്ലാ സംഘടനകളെയും ഉൾക്കൊള്ളിച്ചു ശക്തമായ ഒരു കോ-ഓർഡിനേഷൻ സംവിധാനം ജില്ലയിലും സംസ്ഥാനത്തും രൂപീകരിക്കുമെന്ന് അദ്ദേഹം പറഞ്ഞു.
വ്യാപാരി വ്യവസായി സമിതി ജില്ലാ സെക്രട്ടറി അനന്തൻ അധ്യക്ഷത വഹിച്ചു. വ്യാപാരി വ്യവസായി ഏകോപനസമിതി, ഏകോപനസമിതി നസിറുദീൻ വിഭാഗം, ഒറ്റപ്പാലം ചേംബർ ഓഫ് കോമേഴ്സ്, മീറ്റ് ആൻഡ് കാറ്റിൽ മർച്ചന്‍റ്സ്, മരവ്യവസായ സംഘടന, ബ്യൂട്ടീഷ്യൻസ് അസോസിയേഷൻ, ഡാറ്റ, വെജിറ്റബിൾ മർച്ചന്‍റ്സ് അസോസിയേഷൻ, കേരള പ്രിേൻറഴ്സ് ഫോറം, മുൻസിപ്പൽ ടെനന്‍റ്സ്, പിസിഡിസി, കേരള ഹോട്ടൽ ആൻഡ് റസ്റ്റോറന്‍റ് അസോസിയേഷൻ, ഫർണിച്ചർ മാനുഫാക്ച്ചർ ആൻഡ് ഡീലേഴ്സ്, കേരള ടൈൽസ് ആൻഡ് സാനിറ്ററി ഡീലേഴ്സ്, ഓൾ കേരള കാറ്ററേഴ്സ് അസോസിയേഷൻ, മൊബൈൽ ഡീലേഴ്സ്, ടെക്സ്റ്റയിൽ അസോസിയേഷൻ, കേരള വാച്ച് ഡീലേഴ്സ്, കേരള ഫ്രൂട് മർച്ചൻറസ്, ഫുട് വെയർ ആൻഡ് ഫാൻസി ഡീലേഴ്സ്, കെപിവിയു, തുടങ്ങി 40 ൽപരം സംഘടനകളെ പ്രതിനിധീകരിച്ച് നേതാക്കൾ, ഭാരവാഹികൾ തുടങ്ങിയവർ പങ്കെടുത്തു.
യോഗത്തിൽ പി.എം.എം.ഹബീബ്, ടി.കെ.ഹെൻട്രി, പി.എസ്.സിംപ്സണ്‍, എൻ.എം.ആർ.റസാക്ക്, മുഹമ്മദ് റാഫി, സുരേഷ് മലന്പുഴ, വി.മനോജ്, ബഷീർ കുറുവണ്ണ, ബൈജു രാജേന്ദ്രൻ, ഗുരുവായൂരപ്പൻ, രജനി വെങ്കിടേഷ്, രാധാ നാരായണൻ, സദ്ദാം, കൃഷ്ണൻകുട്ടി, സിദ്ദീക്ക്, സുകുമാരൻ, എം.ബഷീർ, ജാഫർ ഖാൻ, രാജൻ തുടങ്ങിയവർ പ്രസംഗിച്ചു.
