പാലക്കാട്:ലഹരി വിമുക്ത കേരളം സൃഷ്ടിക്കുമെന്ന് പറഞ്ഞ് അധികാരത്തിൽവന്ന ഇടതുമുന്നണി, കേരളത്തെ പൂർണമായും മദ്യലോബിക്കു തീറെഴുതി കൊടുത്തിരിക്കുന്നു. ഈ സാഹചര്യത്തിൽ കേരളത്തെ മദ്യലോബിയിൽനിന്നും ലഹരി മാഫിയയിൽനിന്നും മോചിപ്പിക്കുന്നതിനു് അനിശ്ചിത കാല മദ്യവിമോചനസമരം നടത്തുവാൻ കേരള മദ്യനിരോധന സമിതി സംസ്ഥാന ജനറൽ കൗൺസിൽ യോഗം തീരുമാനിച്ചു.
വർക്കിംങ് പ്രസിഡന്റ് പ്രൊഫ.ടി.എം. രവീന്ദ്രന്റെ അദ്ധ്യക്ഷതയിൽ ഗൂഗിൾ മീറ്റിലൂടെ നടത്തിയ യോഗം ഗാന്ധിജിയുടെ രക്തസാക്ഷിദിനമായ ജനുവരി 30 ന് സംസ്ഥാനത്തൊട്ടാകെ 100 സ്ഥലങ്ങളിൽ ഗൃഹ ഉപവാസത്തോടെയാണ് മദ്യവിമോചന സമര പ്രക്ഷോഭം ആരംഭിക്കുവാൻ തീരുമാനിച്ചു.
സമരം, പ്രതിപക്ഷ എം.എൽ.എ. ശ്രീമതി കെ.കെ.രമ ഓൺലൈനിൽ ഉദ്ഘാടനം ചെയ്യും.