എം ബി ടി
നന്മ ഫൗണ്ടേഷൻ പാലക്കാട് സ്റ്റുഡൻ്റ് പോലീസ് കാഡറ്റ്, നെന്മാറ ജനമൈത്രി പോലീസ്, നെന്മാറ കേരള ബേക്കറി അസോസിയേഷൻ എന്നിവരുടെ ആഭിമുഖ്യത്തിൽ നെന്മാറ ബസ്സ് സ്റ്റാൻഡിനുസമീപമുള്ളആലിക്കൽ കോംപ്ലക്സിൽ വച്ച് ജൂൺ 25ന് “സാദരം-2” പരിപാടി സംഘടിപ്പിച്ചു.
തദവസരത്തിൽ കോവിഡ് രോഗികളെ ആശുപത്രിയിൽ എത്തിക്കുന്ന ആംബുലൻസ് ഡ്രൈവർമാരെയും, കോവിഡ്മൂലം മരണപ്പെട്ടവരെ സംസ്കരിക്കുന്ന ശ്മശാന ജോലിക്കാരെയും, പള്ളികളിൽ അടക്കം ചെയ്യുന്നതിന് നേതൃത്വം നൽകുന്നവരെയും ആദരിക്കുകയുണ്ടായി. നന്മ ഫൗണ്ടേഷൻ നെന്മാറ മേഖല കോർഡിനേറ്റർ ശ്രീ.
എ. എസ്. വിജയൻ സ്വാഗതം ചെയ്ത ഈ ചടങ്ങിൽ, നന്മ പാലക്കാട് ജില്ല പ്രസിഡൻറ് ശ്രീ പി. എസ്. മുഹമ്മദ് കാസിം (റിട്ടയേർഡ് ഡി വൈ എസ് പി) അധ്യക്ഷത വഹിച്ചു.
നെന്മാറ നിയോജകമണ്ഡലം എം എൽ എ. കെ. ബാബു പ്രസ്തുത പരിപാടി ഉത്ഘാടനം ചെയ്തു. നെന്മാറ പഞ്ചായത്ത് പ്രസിഡൻറ്. ശ്രീമതി പ്രബിതജയൻ, ഹെൽത്ത് ഇൻസ്പെക്ടർ ശ്രീ. ജോബ്, നെന്മാറ ജനമൈത്രിപോലീസ് ബീറ്റ്ഓഫീസർ ശ്രീമതി.സജിന എന്നിവർ ആശംസകൾ അർപ്പിച്ചുസംസാരിച്ചു.
ചടങ്ങിൽവച്ച് നെന്മാറയിലെ ആംബുലൻസ് ഡ്രൈവർമാരായ യേശു, സുനിൽ എന്നിവരെയും കൊല്ലങ്കോടിലെ ആംബുലൻസ് ഡ്രൈവർമാരായ സനു, ഗോപി, റഷീദ് എന്നിവരെയും, ശ്മശാനജോലിക്കാരായ ദേവൻ,വർഗ്ഗീസ് എന്നിവരെയും, പള്ളികളിലെ ജോലിക്കാരായ ഹനീഫ, റഷീദ് എന്നിവരെയും ആദരിക്കുകയുണ്ടായി. നന്മഫൗണ്ടേഷൻ നെന്മാറ, കൊല്ലങ്കോട് എന്നിവിടങ്ങളിലെ ഭാരവാഹികളായ കബീർഹാജി, മോഹൻദാസ്, ആലിക്കൽ മുഹമ്മദലി , ചന്ദ്രൻ,രാംകി, വിൻസെൻറ്, സെബാസ്റ്റിൻ, സുരേഷ്.എ, സന്തോഷ്.പി എന്നിവർ സംസാരിച്ചു.
നന്മ നെന്മാറ മേഖല കോർഡിനേറ്റർ അബ്ബാസ് നെന്മാറ നന്ദി പറഞ്ഞു.