മലമ്പുഴ: കേരള സംസ്ഥാന യുവജനകമ്മീഷന്റെ നേതൃത്വത്തില് യുവകര്ഷകര്ക്കായി നടത്തുന്ന യുവകര്ഷകസംഗമം വ്യവസായ , യുവജനക്ഷേമ വകുപ്പ് മന്ത്രി ഇ.പി. ജയരാജന് ഓണ്ലൈനില് ഉദ്ഘാടനം ചെയ്യുന്നു. യുവജന കമ്മീഷന് ചെയര്പേഴ്സണ് ചിന്താജെറോം അധ്യക്ഷത വഹിച്ചു. മലമ്പുഴ ബ്ലോക്ക് പഞ്ചായത്ത് പ്രസിഡന്റ് വി ബിജോയ്, യുവജനകമ്മീഷന് അംഗങ്ങളാ പി കെ മുബഷീര്, വിദ്യ.കെ., അഡ്വക്കേറ്റുമാരായ. ടി മഹേഷ്, എം രണ്ദീഷ് എന്നിവര് പ്രസംഗിച്ചു. തുടര്ന്ന് പഴം-പച്ചക്കറി മൂല്യവര്ദ്ധിത ഉല്പന്നങ്ങള് സംരംഭക സാധ്യതകള് എന്ന വിഷയത്തില് തൃശൂര് കാര്ഷിക സര്വകലാശാലയിലെ ഡോ. സജി ഗോമസ്, കാര്ഷികസംരംഭങ്ങളും നബാര്ഡ് സഹായ പദ്ധതികളും എന്ന വിഷയത്തില് നബാര്ഡ് ജില്ലാ ഡവലപ്മെന്റ് ഓഫീസര് ലാലു പി എന് കുട്ടി, കാര്ഷിക സംരംഭങ്ങളും ബാങ്കിംഗ് സഹായ പദ്ധതികളും എന്ന വിഷയത്തില് പാലക്കാട് എല് ഡി എം ഡി അനിലും ക്ലാസെടുത്തു.വൈകീട്ട് 7 ന് സാംസ്കാരിക പരിപാടി.
നാളെ രാവിലെ പത്തിന് മൃഗസംരക്ഷണ രംഗവും യുവസംരംഭക സാധ്യതകളും എന്ന വിഷയത്തില് അനിമല് ഹസ്ബന്ററി ഫാം. കണ്സള്ട്ടന്റ് റിട്ട. ഡെപ്യൂട്ടി ഡയറക്ടര് ഡോ. എം ശുദ്ധോദനന്, കാര്ഷിക സംരംഭകര്ക്ക് സഹായപദ്ധതികള് എന്ന വിഷയത്തില് ഇന്ഡസ്ട്രീസ് എക്സ്റ്റന്ഷല് ഓഫീസര് ദീപു ശിവരാജ് എന്നിവര് ക്ലാസ്സെടുക്കും. തുടര്ന്ന് യുവകര്ഷകരുടെ അനുഭവങ്ങള് പങ്കുവെക്കും.
ഉച്ചയ്ക്ക് 2.30 ന് സമാപന സമ്മേളനം ജലവിഭവ വകുപ്പ് മന്ത്രി കെ കൃഷ്ണന്കുട്ടി ഉദ്ഘാടനം ചെയ്യും.
കമ്മീഷനംഗം അഡ്വ. ടി മഹേഷ്, ജില്ലാ പഞ്ചായത്ത് അംഗങ്ങളായ അഡ്വ .സഫ്ദര് ഷെരീഫ് , എന് എന് നീരജ്, മലമ്പുഴ ഗ്രാമപഞ്ചായത്ത് പ്രസിഡന്റ് രാധിക മാധവന്, യുവജനകമ്മീഷന് സെക്രട്ടറി ഇന് ചാര്ജ്ജ് സിബി .ടി .എസ് , യുവജനകമ്മീഷനംഗങ്ങളായ ഡോ. പ്രിന്സി കുര്യോക്കോസ്, സമദ് പി എ, യുവജന കമ്മീഷന് സംസ്ഥാന കോഓഡിനേറ്റര് ആര് മിഥുന്ഷാ, ഗ്രീന് യൂത്ത് സംസ്ഥാന കോ-ഓഡിനേറ്റര് അഡ്വ രാഹുല് രാജ്, സ്വരൂപ് കുന്നംപുള്ളി എന്നിവര് പ്രസംഗിക്കും.