കെ എസ് ടി യു
വിദ്യാഭ്യാസ സംരക്ഷണ ജാഥ
20 ന് ജില്ലയിൽ
സംഘാടക സമിതി രൂപീകരിച്ചു
മണ്ണാർക്കാട്: ‘വീണ്ടെടുക്കാം നവകേരളത്തിൻ്റെ പൊതുവിദ്യാഭ്യാസം’ എന്ന പ്രമേയവുമായി കേരളാ സ്കൂൾ ടീച്ചേഴ്സ് യൂണിയൻ സംസ്ഥാന കമ്മിറ്റിയുടെ നേതൃത്വത്തിൽ കാസർകോഡ് മുതൽ തിരുവനന്തപുരം വരെ 14 മുതൽ 23 വരെ സംഘടിപ്പിക്കുന്ന വിദ്യാഭ്യാസ സംരക്ഷണ ജാഥ 20 ന് പാലക്കാട് ജില്ലയിൽ പര്യടനം നടത്തും.സംസ്ഥാന പ്രസിഡണ്ട് അബ്ദുള്ള വാവൂർ നായകനും ജനറൽ സെക്രട്ടറി കരീം പടുകുണ്ടിൽ ഉപനായകനുമായ ജാഥക്ക് മണ്ണാർക്കാട്,ചെർപ്പുളശ്ശേരി,പട്ടാമ്പി എന്നിവിടങ്ങളിൽ സ്വീകരണം നൽകും.ജാഥയുടെ പ്രചരണ പ്രവർത്തനങ്ങൾക്കും പര്യടന പരിപാടി വിജയിപ്പിക്കുന്നതിനുമായി ജില്ലാതല സംഘാടക സമിതി രൂപീകരിച്ചു.ജില്ലാ പഞ്ചായത്തംഗം ഗഫൂർ കോൽക്കളത്തിൽ യോഗം ഉദ്ഘാടനം ചെയ്തു.കെ.എസ്.ടി.യു ജില്ലാ പ്രസിഡണ്ട് സിദ്ദീഖ് പാറോക്കോട് അധ്യക്ഷനായി.സംസ്ഥാന ജനറൽ സെക്രട്ടറി കരീം പടുകുണ്ടിൽ ജാഥാ വിശദീകരണം നടത്തി.വൈസ് പ്രസിഡണ്ട് ഹമീദ് കൊമ്പത്ത്,ജില്ലാ ജനറൽ സെക്രട്ടറി നാസർ തേളത്ത്, സി.കെ.സി.ടി സംസ്ഥാന പ്രസിഡണ്ട് പ്രൊഫ.പി.എം.സലാഹുദ്ദീൻ,മുനിസിപ്പൽ മുസ്ലിം ലീഗ് പ്രസിഡണ്ട് കെ.സി.അബ്ദുറഹ്മാൻ,കെ.എച്ച്.എസ്.ടി.യു ജില്ലാ പ്രസിഡണ്ട് പി.എം.മുഹമ്മദ് അഷ്റഫ്,മണ്ഡലം യൂത്ത് ലീഗ് പ്രസിഡണ്ട് ഷമീർ പഴേരി, ജനറൽ സെക്രട്ടറി മുനീർ താളിയിൽ, എം.എസ്.എഫ് ജില്ലാ സീനിയർ വൈസ് പ്രസിഡണ്ട് കെ.യു.ഹംസ, കെ.ടി.അബ്ദുൽ ജലീൽ,കെ.പി.എ.സലീം,സഫുവാൻ നാട്ടുകൽ, അബൂബക്കർ കാപ്പുങ്ങൽ,കെ. ഷറഫുദ്ദീൻ,മുഹമ്മദലികല്ലിങ്ങൽ, പി.അൻവർ സാദത്ത്,സി.പി.ഷിഹാബുദ്ദീൻ,ടി.കെ.എം.ഹനീഫ,സലീം നാലകത്ത്,കെ. ജി.മണികണ്ഠൻ,പി.സുൽഫിക്കറലി തുടങ്ങിയവർ പ്രസംഗിച്ചു.എൻ.ഷംസുദ്ദീൻ എം.എൽ.എ(രക്ഷാധികാരി), കളത്തിൽ അബ്ദുള്ള(ചെയർമാൻ),സിദ്ദീഖ് പാറോക്കോട്(ജനറൽ കൺവീനർ),നാസർ തേളത്ത് (ട്രഷറർ) ഭാരവാഹികളായി സംഘാടക സമിതി രൂപീകരിച്ചു.
