യുവാവിനെ ‘കാപ്പ’ചുമത്തി അറസ്റ്റ് ചെയ്തു.

ഒ

നിരവധികേസുകളിൽ പ്രതിയായ യുവാവിനെ ‘കാപ്പ’ചുമത്തി അറസ്റ്റ് ചെയ്തു. കോങ്ങാട് പൂതങ്കോട് സ്വദേശി ശബരിയെയാണ് (അൻസാർ-31) കോങ്ങാട് പോലീസ് അറസ്റ്റുചെയ്തത്. ജില്ലാപോലീസ് മേധാവിയുടെ റിപ്പോർട്ടിന്റെ അടിസ്ഥാനത്തിൽ അൻസാറിനെ കരുതൽതടങ്കലിൽ വെക്കാൻ കളക്ടർ ഉത്തരവിറക്കിയതിനെത്തുടർന്നാണ് അറസ്റ്റ്.

ഗുണ്ടാ ആക്രമണങ്ങൾ, മാരകായുധങ്ങളുമായി അതിക്രമം എന്നിവയ്ക്ക് കോങ്ങാട്, നാട്ടുകൽ, മണ്ണാർക്കാട്, ടൗൺ നോർത്ത് സ്റ്റേഷനുകളിലും ജില്ലയ്ക്ക് പുറത്തുള്ള സ്റ്റേഷനുകളിലും ഇയാൾക്കെതിരേ കേസുണ്ട്.