അട്ടപ്പാടിയിൽ വീണ്ടും ശിശുമരണം;
നാല് ദിവസത്തിനുള്ളിൽ മൂന്നാമത്തെ ശിശുമരണവും നടന്നിട്ടും സർക്കാർ നോക്കുത്തിയാരിക്കുന്നു:
എസ്ഡിപിഐ
മണ്ണാർക്കാട്: അട്ടപ്പാടിയിൽ വീണ്ടും ശിശുമരണം. മൂന്നു ദിവസം പ്രായമായ ആൺകുഞ്ഞാണ് മരിച്ചത്. മണ്ണാർക്കാട് താലൂക്ക് ആശുപത്രിയിൽ വച്ചായിരുന്നു കുഞ്ഞിന്റെ മരണം. വീട്ടിയൂർ ആദിവാസി ഊരിലെ ഗീതു – സുനീഷ് ദമ്പതികളുടെ ആൺകുഞ്ഞാണ് മരിച്ചത്. കഴിഞ്ഞ നാല് ദിവസത്തിനുള്ളിൽ അട്ടപ്പാടിയിൽ നിന്ന് റിപോർട്ട് ചെയ്യുന്ന മൂന്നാമത്തെ മരണമാണ് ഇത്. ഈ വർഷം ഇത് വരെ 10 കുട്ടികൾ മരിച്ചുവെന്നാണ് കണക്ക്.
അട്ടപ്പാടി ഉരുകളിൽ ശിശുമാരണം ഒരു തുടർക്കഥയാവുമ്പോളും സംസ്ഥാന കേന്ദ്ര സർക്കാറുകൾ നോക്കുത്തിയായിരിക്കുന്നുവെന്നു എസ്ഡിപിഐ മണ്ണാർക്കാട് മണ്ഡലം പ്രസിഡന്റ് സമീർ ചോമേരി പറഞ്ഞു.
അട്ടപ്പാടിയിലെ കുഞ്ഞുങ്ങളുടെ തുടർച്ചയായുള്ള മരണം സർക്കാറുകൾ നിഷ്ക്രിയ നിലപാടുകൾ തുടർന്നാൽ സോഷ്യൽ ഡെമോക്രാറ്റിക് പാർടി ഓഫ് ഇന്ത്യ ശക്തമായ സമരം സംഘടിപ്പിക്കുമെന്നും അദ്ദേഹം കൂട്ടിച്ചേർത്തു.
