മഴയിൽ മണ്ണിടിഞ്ഞ് ഗതാഗതം മുടങ്ങി
മണ്ണൂർ: കനത്ത മഴയിൽ മണ്ണിടിഞ്ഞ് റോഡിലേക്ക് വീണതോടെ ഗതാഗതം മുടങ്ങി. അകവണ്ട-മേലെ പുരക്കൽപടി-ഏലംകാട് റോഡിലാണ് കഴിഞ്ഞദിവസം മണ്ണിടിഞ്ഞ് ഗതാഗതം തടസ്സപ്പെട്ടത്. മരംവീണ് വൈദ്യുതി ബന്ധവും തടസ്സപ്പെട്ടു. ഇതോടെ നിരവധി കുടുംബം യാത്ര ചെയ്യാനാകാതെ ഒറ്റപ്പെട്ടു.
മതിലിടിഞ്ഞും മരം കടപുഴകിയും വീടുകൾക്ക് കേടുപാട്
സമീപത്തെ കുന്നിലെ മണ്ണും മരവും ഇടിഞ്ഞ് ഗ്രാമീണ റോഡിലേക്ക് വീഴുകയായിരുന്നു. മൂന്ന് നാൾ പ്രദേശം ഒറ്റപ്പെട്ടതോടെ അകവണ്ടയിലെ സി.പി.എം പ്രവർത്തകർ മണ്ണും മരവും നീക്കി ചൊവ്വാഴ്ച ഗതാഗതം പുനഃസ്ഥാപിക്കുകയായിരുന്നു. എം. സുബ്രഹ്മണ്യൻ, എം. സതീശൻ, മോഹനൻ ചിറ്റേത്ത്, കണ്ണൻ, എൻ. ഗണേഷ്, എം. പ്രതാപൻ എന്നിവർ നേതൃത്വം നൽകി.
