ബൈക്ക് മോഷണം; രണ്ടുപേർ അറസ്റ്റിൽ
തൃത്താല: വർക് ഷോപ്പുകളില് നിന്ന് ബൈക്കുകള് മോഷ്ടിക്കുന്ന രണ്ട് യുവാക്കള് അറസ്റ്റില്. പട്ടാമ്പി കരിമ്പുള്ളി ഷാബിത് (21), പട്ടാമ്പി കല്പക സ്ട്രീറ്റിലുള്ള മുഹമ്മദാലി ജൗഹര് (23) എന്നിവരെയാണ് തൃത്താല പൊലീസ് അറസ്റ്റ് ചെയ്തത്. വിവിധയിടങ്ങളില് നിന്നും ഗാരേജുകളില് നിന്നും ബൈക്കുകള് ഗുഡ്സ് വണ്ടികളില് കയറ്റി കൂമന്കല്ലുള്ള പൊളികേന്ദ്രത്തില് എത്തിച്ച് വില്പന നടത്തുകയായിരുന്നു.
മോഷണം പോയ ബൈക്കിെൻറ ഉടമകളുടെ പരാതിയില് അന്വേഷണം നടക്കവെ ഗുഡ്സ് വാഹനത്തില് ബൈക്കുകള് കയറ്റി പോകുന്നത് നിരീക്ഷിച്ച പൊലീസ് പ്രതികളെ പിടികൂടുകയായിരുന്നു. തൃത്താല സി.ഐ വിജയകുമാര്, എസ്.ഐ രവീന്ദ്രന് എന്നിവരുടെ നേതൃത്വത്തിലായിരുന്നു നടപടി. പ്രതികളെ റിമാൻഡ് ചെയ്തു.
