പോലിസ് പാസ് വൈകിട്ട് മുതല്: എങ്ങനെ അപേക്ഷിക്കാം? ആര്ക്കൊക്കെ ലഭിക്കും?
ലോക്ക്ഡൗണ് കാലത്ത് യാത്ര ചെയ്യാന് പൊലിസ് പാസ് നിര്ബന്ധമാക്കിയിട്ടുണ്ട്. ഈ പാസ് ഇന്നു വൈകിട്ട് മുതല് ലഭ്യമായിത്തുടങ്ങും. കേരള പൊലിസിന്റെ www.keralapolice.gov.in എന്ന വെബ്സൈറ്റ് മുഖേനയാണ് ഇതിനായി അപേക്ഷിക്കേണ്ടത്.
പേര്, സ്ഥലം, യാത്രയുടെ ഉദ്ദേശം എന്നിവ പാസിനായി അപേക്ഷിക്കുമ്പോള് രേഖപ്പെടുത്തണം. ഇത് പരിശോധിച്ച് സ്പെഷ്യല് ബ്രാഞ്ചാണ് യാത്രാനുമതി നല്കുക. അനുമതി ലഭിക്കുന്ന മുറയ്ക്ക് അപേക്ഷകന്റെ മൊബൈല് ഫോണിലേക്ക് ഒ.ടി.പി. വരികയും അനുമതി പത്രം ഫോണില് ലഭ്യമാവുകയും ചെയ്യും. ഇതുപയോഗിച്ച് മാത്രമായിരിക്കും യാത്ര ചെയ്യാന് സാധിക്കുക.
മരണം, ആശുപത്രി ആവശ്യം, അടുത്ത ബന്ധുവിന്റെ വിവാഹം തുടങ്ങിയ അത്യാവശ്യങ്ങള്ക്കാണ് പാസ് അനുവദിക്കുക. ദിവസ വേതനക്കാര്, വീട്ടുജോലിക്കാര് എന്നിവര്ക്കും അപേക്ഷിക്കാം. ഇവര് നേരിട്ടോ, തൊഴിലുടമ വഴിയോ ആണ് അപേക്ഷ സമര്പ്പിക്കേണ്ടത്. ആശുപത്രി ജീവനക്കാന്, മാധ്യമപ്രവര്ത്തകര് തുടങ്ങി അവശ്യ സേവന വിഭാഗങ്ങള്ക്ക് പാസില്ലാതെയും യാത്ര ചെയ്യാം. അവരുടെ സ്ഥാപനം നല്കുന്ന തിരിച്ചറിയില് കാര്ഡ് കരുതണം.
ഓണ്ലൈന് സംവിധാനം ലഭ്യമാകുന്നതുവരെ സത്യപ്രസ്താവനയോ തിരിച്ചറിയല് കാര്ഡുകളോ ഉപയോഗിച്ച് ആളുകള്ക്ക് യാത്ര ചെയ്യാം. അടിയന്തരമായി പാസ് ആവശ്യമുള്ളവര്ക്ക് സ്റ്റേഷന് ഹൗസ് ഓഫീസര്മാരെ നേരിട്ട് സമീപിച്ച് പാസിന് അപേക്ഷ നല്കാവുന്നതാണ്. ഇരുവശത്തേയ്ക്കും യാത്ര ചെയ്യുന്നതിനുള്ള പാസ് യാത്ര തുടങ്ങുന്ന സ്ഥലത്തുള്ള സ്റ്റേഷന് ഹൗസ് ഓഫീസര് തന്നെ നല്കും
