ഇസ്രായേലിന്റെ നരഹത്യ അവസാനിപ്പിക്കുക’; ഏഴ് വര്ഷം മുന്പുള്ള എംബി രാജേഷിന്റെ പോസ്റ്റ് കുത്തിപ്പൊക്കി, ഐക്യദാര്ഢ്യം
പാലക്കാട് : ആറ് വര്ഷം മുന്പുള്ള എംബി രാജേഷിന്റെ പാലസ്തീന് ഐക്യദാര്ഢ്യ പോസ്റ്റ് കുത്തിപ്പൊക്കി സോഷ്യല് മീഡിയ. 2014 ജൂലൈ 15ന് ഡിവൈഎഫ്ഐ പ്രതിഷേധ പരിപാടിയില് സംസാരിക്കുന്ന രാജേഷിന്റെ ചിത്രമാണ് വീണ്ടും ചര്ച്ചയാവുന്നത്. നേരത്തെ സിപിഐഎം പാലസ്തീന് ജനതയ്ക്ക് ഐക്യദാര്ഢ്യം പ്രഖ്യാപിച്ച് രംഗത്തുവന്നിരുന്നു. ഡിവൈഎഫ്ഐയും എസ്എഫ്ഐയും ഇസ്രായേല് അക്രമങ്ങള് അവസാനിപ്പിക്കണമെന്ന് വ്യക്തമാക്കിയിട്ടുണ്ട്.
പാലസ്തീൻ ജനതയ്ക്ക് പിന്തുണയുമായി ഇന്ത്യൻ സർക്കാരും രാജ്യത്തെ ജനങ്ങളും മുന്നോട്ടുവരണമെന്ന് പോളിറ്റ് ബ്യൂറോ പുറത്തിറക്കിയ കുറിപ്പിൽ വ്യക്തമാക്കി. ഇസ്രായേൽ തെരഞ്ഞെടുപ്പിൽ ഭൂരിപക്ഷം നേടുന്നതിൽ ആവർത്തിച്ച് പരാജയപ്പെട്ട നെതന്യാഹു നിസ്സാരമായ രാഷ്ട്രീയ നേട്ടങ്ങൾക്കും കോവിഡിനെ നേരിടുന്നതിൽ സർക്കാരിൻ്റെ പരാജയം മറച്ചുവെക്കുന്നതിനും വേണ്ടിയാണ് പലസ്തീനെതിരായ ആക്രമണം ആരംഭിച്ചതെന്നും സിപിഐഎം വിമർശിക്കുന്നു.
