ഒറ്റപ്പാലം നഗരസഭയിലെ ഭൂരിപക്ഷം വാർഡുകളും ഇരുട്ടിലെന്ന് പരാതി

ഒറ്റപ്പാലം നഗരസഭയിലെ ഭൂരിപക്ഷം വാർഡുകളും ഇരുട്ടിലെന്ന് പരാതി.

ഒറ്റപ്പാലം:കോവിഡ് മഹാമാരി കാലത്തും ഒറ്റപ്പാലം നഗരസഭയിലെ ഭൂരിപക്ഷം വാർഡുകളും ഇരുട്ടിൽ തന്നെ. നഗരസഭയിലെ വാർഡുകളിലെ തെരുവ് വിളക്കുകളുടെ അറ്റകുറ്റപ്പണികൾ നടത്താത്തതാണ് ഇതിനു കാരണം. നഗരഹൃദയത്തിലെ പ്രദേശങ്ങളിൽ പോലും രാത്രികാലങ്ങളിൽ ഇരുട്ടിൽ തപ്പി നടക്കേണ്ട അവസ്ഥയാണ്. ഒറ്റപ്പാലം നഗരസഭയിലെ പഴയ ഭരണസമിതിയുടെ കാലത്ത് ടെൻഡർ എടുത്ത കമ്പനി വരുത്തിയ വീഴ്ചയാണ് ഓരോ വാർഡുകളിലും തെരുവുവിളക്കുകൾ കത്താത്തത്. എന്നാൽ പുതിയ ഭരണസമിതി അധികാരമേൽക്കുമ്പോൾ ഇത് ഉടൻ പരിഹരിക്കുമെന്ന് ഉറപ്പു നൽകിയിട്ടുണ്ടെങ്കിലും നടപടികളൊന്നും തന്നെ ആയിട്ടില്ല. കാലവർഷം കൂടി എത്തുമ്പോൾ അറ്റകുറ്റപ്പണികൾ നടത്തുന്നതും ദുസ്സഹമായിരിക്കും. നഗരസഭാ ഭരണാധികാരികൾ അടിയന്തരമായി ഇടപെട്ട് ഇതിനൊരു പരിഹാരം കാണണമെന്നാണ് നാട്ടുകാരുടെ ആവശ്യം