ക്ഷേമനിധി ആനുകൂല്യങ്ങൾ അനുവദിക്കണം.

ക്ഷേമനിധി ആനുകൂല്യങ്ങൾ അനുവദിക്കണം.
പാലക്കാട് ഇന്റർനെറ്റ് ഫോട്ടോസ്റ്റാറ്റ് ഡിടിപി മേഖലയിൽ ജോലി ചെയ്യുന്ന മുഴുവൻ തൊഴിലാളികൾക്കും ക്ഷേമനിധി ബോർഡ് രൂപീകരിച്ച ആനുകൂല്യങ്ങൾ ലഭ്യമാക്കാൻ സർക്കാർ നടപടി സ്വീകരിക്കണമെന്ന് ഇന്റർനെറ്റ് ഡിടിപി ഫോട്ടോസ്റ്റാറ്റ് വർക്കേഴ്സ് അസോസിയേഷൻ പാലക്കാട് ജില്ലാ കൺവെൻഷൻ ആവശ്യപ്പെട്ടു. സംസ്ഥാന പ്രസിഡണ്ട് കെ ജി സൽമ ഭായ് അധ്യക്ഷതവഹിച്ചു. സംഘടനയുടെ സംസ്ഥാന ജോയിൻ സെക്രട്ടറി റൂയേഷ് കോഴിശ്ശേരി മുഖ്യപ്രഭാഷണം നടത്തി. സംസ്ഥാന സെക്രട്ടറി പൂക്കുഞ്ഞി കോയ കൺവെൻഷൻ ഉദ്ഘാടനം ചെയ്തു . ഫൈസൽ ഇംപീരിയൽ, ഹരിപ്രസാദ് മണ്ണാർക്കാട് സുദർശനൻ ,ഷാഹുൽ ഹമീദ് എന്നിവർ സംസാരിച്ചു. പുതിയ ഭാരവാഹികളായി ഷാഹുൽ ഹമീദ് (പ്രസിഡൻ്റ്) ഹരിപ്രസാദ് മണ്ണാർക്കാട് (സെക്രട്ടറി) നിഷ.എം (ട്രഷറർ) മോഹനൻ മൂത്തേടത്ത്, സുരേഷ് നായർ (വൈസ് പ്രസിഡൻ്റ്) ഹരിദാസ് വിനായക, ഗോവിന്ദരാജ് കെ (ജോ. സെക്രട്ടറി) എന്നിവരെ തിരഞ്ഞെടുത്തു.