പാലക്കാട്: നഗരസഭക്കകത്ത് സ്റ്റാന്റിംഗ് കമ്മിറ്റി ചെയര്മാന്മാരെ തെരഞ്ഞെടുക്കുന്നത് സംബന്ധിച്ച് വോട്ടെടുപ്പും യോഗവും നടക്കുന്നതിനിടയില് നഗരസഭ വളപ്പിലെ ഗാന്ധി പ്രതിമക്കുമുകളില് ബി ജെ പി യുടെ കൊടി കെട്ടിയത് വിവാദമായി. കൗണ്സില് ഹാളില് യോഗം നടക്കുന്നതിനിടെയാണ് കൊടികെട്ടിയത്. ആരാണ് കെട്ടിയതെന്ന്് അന്വേഷിക്കുന്നു. വിവരമറിഞ്ഞ യു ഡി എഫ് കൗണ്സിലര്മാര് ചെയര്മാന്റെ കാബിനു മുമ്പില് മുദ്രാവാക്യം വിളികളുമായി കുത്തിയിരിപ്പു സമരം നടത്തി. ഗാന്ധി പ്രതിമക്കുമുകളില് കൊടികെട്ടിയതിനെതിരെ പോലീസിലും ബന്ധപ്പെട്ട അധികൃതര്ക്കും പരാതി നല്കുമെന്ന് കൗണ്സിലര് സുഭാഷ് പറഞ്ഞു.
–
