കേരളാ പ്രദേശ് ഗാന്ധിദർശൻ വേദി ഗാന്ധി സ്മൃതി നടത്തി

കേരളാ പ്രദേശ് ഗാന്ധിദർശൻ വേദി പാലക്കാട് ജില്ലാ കമ്മിറ്റിയുടെ
ആഭിമുഖ്യത്തിൽ പാലക്കാട് കോട്ടമൈതാനത്ത് രക്തസാക്ഷി മണ്ഡപത്തിൽ
ഗാന്ധിജിയുടെ ഛായാചിത്രത്തിനു മുമ്പിൽ പുഷ്പാർച്ചനയും ഗാന്ധിസ്മൃതിയും
നടത്തി. കെ.പി.സി.സി. നിർവ്വാഹക സമിതി അംഗം എ. കുമാരസ്വാമി ഉദ്ഘാടനം
ചെയ്തു.1917 ൽ ചമ്പാരനിൽ നീലം കർഷകരെ സംഘടിപ്പിച്ചു കൊണ്ടാണ് മഹാത്മജി
സമരങ്ങൾക്ക് നേതൃത്വം നല്കിയത് എന്ന് ഉദ്ഘാടന പ്രസംഗത്തിൽ അദ്ദേഹംപറഞ്ഞു.
ഗ്രാമങ്ങളിലാണ് ഗാന്ധിജിയുടെ ആത്മാവ് കുടികൊള്ളുന്നത് എന്നും കുമാരസ്വാമി
പറഞ്ഞു.ജില്ലാ ചെയർമാൻ പി.പി.വിജയകുമാർ അദ്ധ്യക്ഷത വഹിച്ചു.സംസ്ഥാന
സെക്രട്ടറി മോഹനകുമാരൻ മുഖ്യപ്രഭാഷണം നടത്തി.ജനറൽ സെക്രട്ടറി എ.
ശിവരാമകൃഷ്ണൻ, എം.വി.ആർ.മേനോൻ ,എ ഗോപിനാഥൻ, പുഷ്പവല്ലി നമ്പ്യാർ,
വി.ആർ.കുട്ടൻ, പി.വി.സഹദേവൻ, പി.മധുസൂതനൻ, ലക്ഷ്മി പത്മനാഭൻ ,
ടി.എൻ.ചന്ദ്രൻ എന്നിവർ പ്രസംഗിച്ചു