മണ്ണാർക്കാട് : ചങ്ങലീരിയിൽ കഴിഞ്ഞ ഞായറാഴ്ച യുവതി ആത്മഹത്യ ചെയ്ത സംഭവത്തിൽ യുവതിയുടെ ഭർത്താവിനേയും ഭർത്താവിൻ്റെ പിതാവിനേയും മണ്ണാർക്കാട് പോലീസ് അറസ്റ്റ് ചെയ്തു. ഞായറാഴ്ച വൈകുന്നേരത്തോടെയാണ് റുസ്നിയ ജെബി (22)യെ വീടിനകത്തെ മുറിയിൽ തൂങ്ങി മരിച്ച നിലയിൽ കാണുന്നത്. മരണം സ്ത്രീധനത്തെ ചൊല്ലിയുണ്ടായ നിരന്തരമായ പീഡനത്തെ തുടർന്നാണെന്ന് യുവതിയുടെ കുടുംബവും, നാട്ടുകാരും പരാതിപ്പെട്ടിരുന്നു. മരണപ്പെട്ട യുവതിയുടെ വീട്ടുകാരുടെ പരാതിയുടെ അടിസ്ഥാനത്തിൽ യുവതിയുടെ ഭർത്താവായ തെങ്കര വെള്ളാരംകുന്ന് ഏറാടൻ മുഹമ്മദ് മുസ്തഫ (31) മുസ്തഫയുടെ പിതാവ് ഹംസ(67) എന്നിവരെയാണ് ഇന്ന് മണ്ണാർക്കാട് പോലീസ് അറസ്റ്റ് ചെയ്തത്.
