ശ്രാദ്ധ ബലി നടത്തി പ്രതിഷേധിച്ചു
പാലക്കാട്:
പുനർ നിർമാണത്തിന് വേണ്ടി പൊളിച്ചിട്ട പാലക്കാട് മുനിസിപ്പൽ ബസ് സ്റ്റാൻഡിന്റെ നിർമാണം ഇതുവരെയും തുടങ്ങാത്തതിൽ പ്രതിഷേധിച്ചു് “മൂന്നാം ശ്രാദ്ധ ബലി” നടത്തി വ്യാപാരി വ്യവസായി കോൺഗ്രസ് ജില്ലാ കമ്മിറ്റി വേറിട്ടൊരു സമരത്തിന് നേതൃത്വം നൽകി . മുനിസിപ്പൽ ബസ് സ്റ്റാൻഡ് പരിസരത്തു നടന്ന ശ്രാദ്ധ ബലി കർമത്തിന് ജില്ലാ വർക്കിംഗ് പ്രസിഡന്റ് സുധാകരൻ പ്ലാക്കാട്ട് കാർമികത്വം വഹിച്ചു .
.കെ പി സി സി ജനറൽ സെക്രട്ടറി സി ചന്ദ്രൻ പ്രതിഷേധത്തെ സമരത്തെ അഭിസംബോധന ചെയ്തു സംസാരിച്ചു . നിർമാണ പ്രവർത്തികൾക്കുള്ള രൂപരേഖ പോലും തായ്യാറാക്കാത്ത നഗരസഭ, നഗരത്തിലെയും ജില്ലയിലെ ജനങ്ങളുടെയും ക്ഷമ പരീക്ഷിക്കുയാണെന്നു അഭിപ്രായപ്പെട്ടു . ബസ് സ്റ്റാൻഡ് പുനർ നിർമാണത്തിനായി സ്ഥലം എംപിയും എം എൽ എ യും തങ്ങളുടെ ആസ്തി വികസന ഫണ്ടിൽ നിന്നും മതിയായ തുക അനുവദിക്കാം എന്ന് വാഗ്ദാനം നൽകിയിട്ടും രാഷ്ട്രീയ കാരണങ്ങളാൽ നഗരസഭ അതിനു തയ്യാറാകാത്തത് ജനങ്ങളോടുള്ള വെല്ലുവിളിയാണ്. ബസ് സ്റ്റാൻഡുമായി ബന്ധപ്പെട്ട് ജീവിക്കുന്ന കച്ചവടക്കാരുടെയും , ചുമട്ടു തൊഴിലാളികൾ, ആട്ടോറിക്ഷാ തൊഴിലാളികൾ ,വഴിയോര കച്ചവടക്കാർ ഉൾപ്പെടെയുള്ളവരുടെ ജീവിതം വഴിമുട്ടിയിരിക്കയാണെന്നും അദ്ദേഹം അഭിപ്രായപെട്ടു ജില്ലാ പ്രസിഡന്റ് സി വി സതീഷ് നേതൃത്വം നൽകിയ പ്രതിഷേധത്തിൽ നേതാക്കളായ കെ ആർ ശരരാജ് , ഹരിദാസ് മച്ചിങ്ങൽ , സി നിഖിൽ , നാസർ ഹുസൈൻ . ജവഹർ രാജ്,ഹക്കീം കൽമണ്ഡപം ,രാമകൃഷ്ണൻ , സന്തോഷ് കുമാർ , ജലാൽ തങ്ങൾ എന്നിവർ പങ്കെടുത്തു .
