കോവിഡ് രോഗവ്യാപനം പ്രതിരോധിക്കാൻ ബാങ്കുകള്, റേഷന് കടകള് എന്നിവിടങ്ങളിലെ തിരക്ക് നിയന്ത്രിക്കാനുള്ള നടപടി സ്വീകരിക്കാൻ ഇന്ന്(‘ മെയ് 18) ജില്ലാ കലക്ടറുടെ അദ്ധ്യക്ഷതയില് ചേർന്ന ജില്ലാ ദുരന്ത നിവാരണ അതോറിറ്റി യോഗം തീരുമാനിച്ചു.
- ബാങ്കുകള്ക്ക് ആഴ്ചയില് മൂന്നു ദിവസമാണ് പ്രവൃത്തി ദിനമായിട്ടുള്ളത്. തിരക്ക് കുറയ്ക്കുന്നതിനായി ബാങ്ക് അക്കൗണ്ട് നമ്പരിന്റെ അവസാനത്തെ അക്കത്തെ അടിസ്ഥാനമാക്കി നാളെ (മെയ് 19) മുതല് ആദ്യത്തെ പ്രവൃത്തി ദിവസം ഒറ്റ നമ്പര്, രണ്ടാമത്തെ പ്രവൃത്തി ദിവസം ഇരട്ട നമ്പര് എന്ന ക്രമത്തിൽ ബാങ്കുകളില് പ്രവേശാനാനുമതി നൽകണം.
- റേഷന് കടകളിൽ തിരക്ക് കുറയ്ക്കാൻ വേണ്ട സംവിധാനങ്ങള് റേഷന് കടയുടമകള് സ്വീകരിക്കണം. ഇത് സെക്ടറല് മജിസ്ട്രേറ്റുമാര് പരിശോധിച്ച് ഉറപ്പുവരുത്തണം.
- അതിഥി തൊഴിലാളികളുടെ സംരക്ഷണത്തിനായി പുതിയ പദ്ധതി തയ്യാറാക്കാനും ഇവർക്കായി ഒരു സി.എഫ്.എല്.റ്റി.സി കൂടി കണ്ടെത്താനുള്ള നടപടി സ്വീകരിക്കാൻ ജില്ലാ ലേബർ ഓഫീസർക്ക് യോഗത്തിൽ നിർദ്ദേശം നൽകി.
യോഗത്തിൽ ജില്ലാ പഞ്ചായത്ത് പ്രസിഡണ്ട് കെ. ബിനുമോൾ, ജില്ലാ പോലീസ് മേധാവി ആര്.വിശ്വനാഥ്, എ.ഡി.എം മെഹറലി.എന്.എം, ജില്ലാ മെഡിക്കല് ആഫീസര് (ആരോഗ്യം) ഡോ. റീത്ത. കെ.പി, ഫിനാന്സ് ഓഫീസര്, ജില്ലാ ലേബര് ഓഫീസര് എന്നിവർ പങ്കെടുത്തു.
ജില്ല ഇൻഫർമേഷൻ ഓഫീസ് പാലക്കാട്
