ഷൊർണൂരിലെ കൃഷിഭൂമി തരം മാറ്റൽ കോടികളുടെ അഴിമതിയെന്ന് BJP സംസ്ഥാന ജനറൽ സെക്രട്ടറി സി. കൃഷ്ണകുമാർ
ഷൊർണൂർ: നഗരസഭാ പരിധിയിലെ നൂറുകണക്കിന് ഏക്കർ കൃഷിഭൂമി ഡാറ്റാ ബാങ്കിൽ നിന്നും ഒഴിവാക്കിയതുമായി ബന്ധപ്പെട്ട ക്രമക്കേടുകൾ പൂഴ്ത്തിവയ്ക്കാനാണ് അധികൃതർ ഇപ്പോൾ കിണഞ്ഞു പരിശ്രമിക്കുന്നതെന്ന് BJP സംസ്ഥാന ജനറൽ സെക്രട്ടറി സി. കൃഷ്ണകുമാർ ആരോപിച്ചു.
ലക്ഷക്കണക്കിന് രൂപ അഴിമതി നടത്തി നഗരസഭാ സെക്രട്ടറി വിജ്ഞാപനം ഇറക്കിയ ഭൂപ്രദേശങ്ങൾ സന്ദർശിച്ച ശേഷം സംസാരിക്കുകയായിരുന്നു അദ്ദേഹം.
വൻകിടക്കാരുടെ താത്പര്യങ്ങൾ സംരക്ഷിക്കാനായി കണ്ണടച്ച് ഒപ്പുവച്ച നഗരസഭ ചെയർമാൻ ഇപ്പോൾ മലക്കം മറിഞ്ഞിരിക്കുകയാണ്.
വർഷങ്ങൾ കാത്തിരുന്ന് അനുകൂല തീരുമാനം ലഭിച്ച പാവപ്പെട്ടവരെ കൂടി വലയ്ക്കാനാണ് നഗരസഭ ചെയർമാന്റെ കൗൺസിലിലെ പ്രമേയ നാടകം ലക്ഷ്യം വയ്ക്കുന്നതെന്നും
അദ്ദേഹം കൂട്ടിച്ചേർത്തു.
