റെയില്‍വേ സ്റ്റേഷനിലെ ഒന്നാം നമ്പർ പ്ലാറ്റ്‌ഫോമിലെ മില്‍മ സ്റ്റാളിന് സമീപം ഉപേക്ഷിച്ച നിലയില്‍ സൂക്ഷിച്ചിരുന്ന ബാഗില്‍ നിന്ന് പതിനൊന്ന് കിലോ കഞ്ചാവ് കണ്ടെടുത്തു.
ഓപ്പറേഷൻ തൂഫാന്റെ ഭാഗമായി പാലക്കാട് റെയില്‍വേ സ്റ്റേഷനില്‍ നടത്തിയ പരിശോധനയ്ക്കിടെയാണ് ബെഞ്ചിനടിയില്‍ ഉപേക്ഷിച്ച നിലയില്‍ ബാഗ് കണ്ടെത്തിയത്.
പാലക്കാട് റെയില്‍വേ സബ് ഇൻസ്‌പെക്ടർ പ്രവീണ്‍ കെ.ജെ, എ എസ് ഐ പ്രമോദ്, ആർ പി എഫ് എ എസ് ഐ മാരായ ജ്ഞാനാനന്ദൻ, ബൈജു, സിപിഒമാരായ സന്ദീപ്, കാർത്തിക്, സജിത്ത്, അനീഷ് എന്നിവരടങ്ങിയ സംഘമാണ് കഞ്ചാവ് കണ്ടെത്തിയത്.
