മലമ്പുഴ ഡാമിലെ ശുചീകരണ തൊഴിലാളികളുടെ കൂട്ട പിരിച്ചുവിടലിനെതിരെ തൊഴിലാളികളുടെ പ്രതിഷേധം. കോണ്‍ഗ്രസ്, ഐഎൻടിയുസി സംഘടനകളുടെ നേതൃത്വത്തിലാണ് സമരം.
ജോലിയില്‍ തിരിച്ചെടുക്കുകയോ ആവശ്യമായ നഷ്ടപരിഹാരം നല്‍കുകയോ ചെയ്യണമെന്നാണ് ഇവരുടെ ആവശ്യം.
സമരത്തില്‍ പങ്കെടുത്ത അറുപത് വയസ്സ് പിന്നിട്ടവരെ അടക്കം പൊലീസ് അറസ്റ്റ് ചെയ്ത് നീക്കി. മലമ്ബുഴ ഡാം പരിസരത്തെ ഉദ്യാനം കാണാനെത്തുന്ന വിനോദ സഞ്ചാരികള്‍ക്ക് സുരക്ഷ ഉറപ്പാകുന്നതിന്റെ ഭാഗമായാണ് അറസ്റ്റെന്നാണ് പൊലീസ് ഭാഷ്യം. കഴിഞ്ഞ ദിവസമാണ് ഇവരെ കൂട്ടത്തോടെ പിരിച്ചു വിട്ടതായുള്ള ഉത്തരവ് പുറത്ത് വന്നത്. ഏകദേശം 96 താത്കാലിക തൊഴിലാളികളെയാണ് പിരിച്ചുവിട്ടത്.
