പതിനാറുകാരനെ പോലീസ് വീട്ടില്‍ കയറി മർദിച്ചെന്ന പരാതിയില്‍ സ്പെഷല്‍ ബ്രാഞ്ചിന്‍റെ അന്വേഷണം. പട്ടാമ്ബി കാരക്കാട് പാറപ്പുറം സ്വദേശി പറമ്ബില്‍ ത്വാഹ മുഹമ്മദിന് മർദനമേറ്റെന്ന പരാതിയിലാണ് സ്പെഷല്‍ ബ്രാഞ്ച് അന്വേഷണം നടത്തുന്നത്.
പട്ടാമ്ബിയില്‍ നിന്ന് നിർത്താതെപോയ ഇരുചക്രവാഹനത്തെ പിന്തുടർന്നുവരികയായിരുന്ന പട്ടാമ്ബി പോലീസാണ് ത്വാഹ മുഹമ്മദിനെ മർദിച്ചത്. ഇരുചക്രവാഹനയാത്രികർ ത്വാഹ മുഹമ്മദിന്‍റെ വീടിന് സമീപത്ത് ബൈക്ക് ഉപേക്ഷിച്ച്‌ കടന്നുകളഞ്ഞിരുന്നു. ബൈക്കില്‍ സഞ്ചരിച്ചവരിലൊരാള്‍ തന്‍റെ മകനാണെന്ന് തെറ്റിദ്ധരിച്ചാണ് പോലീസ് വീട്ടില്‍ കയറി ത്വാഹയെ മർദിച്ചതെന്നാണ് പിതാവ് മുസ്തഫ ആരോപിക്കുന്നത്. കുട്ടിയെ ആശുപത്രിയില്‍ പ്രവേശിപ്പിക്കുകയും ചെയ്തിരുന്നു.
