നിയമവിരുദ്ധമായ ചീട്ടുകളി സംഘങ്ങൾ അറസ്റ്റിൽ ..!
കൊപ്പം ചാലിശ്ശേരി പോലീസ് സ്റ്റേഷൻ പരിധികളിലായി രഹസ്യ വിവരത്തെ തുടർന്ന് നടത്തിയ പരിശോധനയിൽ നിന്നും 48,050/- രൂപ പിടിച്ചെടുത്ത് 16 പേരുടെ അറസ്റ്റ് രേഖപെടുത്തി.
ചാലിശ്ശേരി പോലീസ് വാവനൂർ അലങ്കാർ ബിൽഡിങ്ങിൽ ഉള്ള ഓട്രീയം റിക്രീയേഷൻ ക്ലബ്ബിൽ നടത്തിയ പരിശോധനയിൽ പണം വെച്ച് ചീട്ട് കളിച്ച ആറുപേരെ അറസ്റ്റ് ചെയ്തിട്ടുള്ളതും 35,100/- രൂപ കണ്ടുകെട്ടിയിട്ടുള്ളതുമാണ്. കൊപ്പം പോലീസ് സ്റ്റേഷൻ പരിധിയിൽ കൈപ്പുറം എന്ന സ്ഥലത്തു പണം പന്തയം വെച്ച് ചീട്ടുകളിച്ചിരുന്ന 10 പ്രതികളെ അറസ്റ്റ് ചെയ്യുകയും കളത്തിൽ ഉണ്ടായിരുന്ന 12,950/- രൂപ ബന്തവസ്സിൽ എടുക്കുകയും ചെയ്തു.
പാലക്കാട് ജില്ലാ പോലീസ് മേധാവി ആർ.ആനന്ദ് IPSനു കിട്ടിയ രഹസ്യ വിവരത്തിന്റെ അടിസ്ഥാനത്തിൽ ഷൊർണുർ DySP പി.സി.ഹരിദാസിന്റെ നിർദേശത്തിൽ ഇൻസ്‌പെക്ടർ കെ.സതീഷ്കുമാറിൻ്റെ നേതൃത്വത്തിലുള്ള ചാലിശ്ശേരി പോലീസും , SI MB രാജേഷിൻ്റെ നേതൃത്വത്തിലുള്ള കൊപ്പം പോലീസുമാണ് ചീട്ടു കളി സംഘങ്ങളെ പിടികൂടിയത്.
