കെ.എസ്.ആര്‍.ടി.സി ബജറ്റ് ടൂറിസം സെല്‍ 10, 17, 24 തിയതികളില്‍ മൂന്നാര്‍ യാത്ര സംഘടിപ്പിക്കുന്നു

കെ.എസ്.ആര്‍.ടി.സി ജില്ലാ ബജറ്റ് ടൂറിസം സെല്‍ ഡിസംബര്‍ 10, 17, 24 തിയതികളില്‍ മൂന്നാര്‍ സംഘടിപ്പിക്കുന്നു. രാവിലെ 11.30 ന് പുറപ്പെട്ട് രാത്രി മൂന്നാറില്‍ താമസിച്ച് ഞായറാഴ്ച്ച മൂന്നാര്‍ സന്ദര്‍ശിച്ച് തിങ്കളാഴ്ച്ച രാവിലെ തിരിച്ചെത്തുന്ന യാത്രയ്ക്ക് 1150 രൂപയാണ് ഈടാക്കുന്നത്. നെഫര്‍റ്റിറ്റി ആഡംബര കപ്പല്‍ യാത്ര ഡിസംബര്‍ 12, 19, 27 തിയതികളില്‍ നടക്കും. പാലക്കാട് നിന്ന് രാവിലെ 10.30 ന് പുറപ്പെട്ട് രാത്രി 12 ന് തിരികെ എത്തുന്ന യാത്രയ്ക്ക് അഞ്ചിനും പത്തിനുമിടയില്‍ പ്രായമുള്ളവര്‍ക്ക് 2000, പത്തിന് മുകളില്‍ പ്രായമുള്ളവര്‍ക്ക് 3500 രൂപയുമാണ് ചാര്‍ജ്ജ്. ഡിസംബര്‍ 19, 25 തിയതികളില്‍ ഗവിയിലേയ്ക്ക് ടിക്കറ്റുകള്‍ ലഭ്യമാണ്. എല്ലാ ശനി, ഞായര്‍ ദിവസങ്ങളിലും നെല്ലിയാമ്പതിയിലേയ്ക്കും നടത്തുന്ന യാത്രയ്ക്ക് ഭക്ഷണം ഉള്‍പ്പടെ 600 രൂപയാണ് ചാര്‍ജ്ജ്. ബുക്കിങിന് ഫോണ്‍: 9947086128.