പാലക്കാട്: കഞ്ചാവുമായി കുളത്തിൽ ചാടിയ പ്രതിയെ നീന്തിപ്പിടിച്ച് പൊലീസ്. കൊടുവായൂർ സ്വദേശി സനൂപിനെയാണ് പുതുനഗരം പൊലീസ് പിടികൂടിയത്.
സനുപിന്റെ കൂടെയുണ്ടായിരുന്ന കൂട്ടു പ്രതി രക്ഷപ്പെട്ടു.കൊടുവായൂരിന് സമീപം എസ്ഐയുടെ നേതൃത്വത്തിൽ വാഹന പരിശോധന നടത്തുന്നതിനിടയിലാണ് രണ്ട് യുവാക്കൾ ബൈക്കുമായി വന്നത്. എന്നാൽ പൊലീസ് കൈ കാണിച്ചിട്ടും ബൈക്ക് നിർത്താതെ കടന്നു കളയുകയായിരുന്നു.
വണ്ടി നിർത്താതെ പോയതോടെ പൊലീസിന് സംശയമായി. പിന്നാലെ പൊലീസ് ഇവരെ പിന്തുടർന്നു. പൊലീസ് പിടിക്കുമെന്നായപ്പോൾ
പിന്നിലുണ്ടായിരുന്ന യുവാവ് രക്ഷപ്പെട്ടു. ഏറെ ദൂരം യാത്ര ചെയ്ത ശേഷം സനൂപ് വാഹനം ഉപേക്ഷിച്ച് മുന്നിലുണ്ടായിരുന്ന ചാക്ക് കെട്ടുമായി കുളത്തിലേക്ക് ചാടുകയായിരുന്നു.
