പല്ലശ്ശന. പുരോഗമന കലാ സാഹിത്യസംഘം (പു ക സ) കൊല്ലങ്കോട് മേഖലാകമ്മിറ്റിയുടെ നേതൃത്വത്തിൽ കൂടല്ലൂർ എഴുത്തശ്ശൻ സമുദായ ഓഡിറ്റോറിയത്തിൽവെച്ച് ജൂൺ 19ന് പി.എൻ.പണിക്കർ സ്മൃതിദിനാചരണം
സംഘടിപ്പിച്ചു.
പല്ലശ്ശന പഞ്ചായത്ത് പ്രസിഡണ്ട് സായ്രാധയുടെ അധ്യക്ഷതയിൽ നടന്ന ചടങ്ങ് നെന്മാറ എം എൽ എ കെ.ബാബു ഉദ്ഘാടനം ചെയ്തു. ഗോകുലം ചിറ്റ്സ് & ഫൈനാൻസ് കല്ലടിക്കോട് ബ്രാഞ്ച് മാനേജർ കളരിക്കൽ കെഎസ്.ലക്ഷ്മണൻ തൻ്റെ സേവനാനുകൂല്യം പല്ലശ്ശന വി.ഐ.എം.എച്ച്. എസ്. ലേക്കും, ഇതര വിദ്യാലയങ്ങളിലേക്കും, ലൈബ്രറികൾക്കും പുസ്തകമായി നൽകി. പു ക സ മേഖല പ്രസിഡണ്ട് ബി.സി. മോഹനൻ പി. എൻ.പണിക്കർ അനുസ്മരണം നടത്തി.
പി.വിനോദ് കുമാർ (അസിസ്റ്റൻ്റ് ജനറൽ മാനേജർ ഗോകുലം ചിറ്റ്സ് & ഫൈനാൻസ് പാലക്കാട് റീജിയൻ) വിശിഷ്ടാതിഥിയായിരുന്ന ചടങ്ങിൽ, മുൻ ഗ്രാമ പഞ്ചായത്ത് പ്രസിഡണ്ടുമാരായ കെ.രമാധരൻ, പി. ഗീത, ഗ്രാമപഞ്ചായത്ത് മെമ്പർമാരായ കെ.മണികണ്ഠൻ, ആർ.ജയനാരായണൻ, കെ.ബി.തുളസീദാസ് (ലീഗൽ എ.ജി.എം. ഗോകുലം ചിറ്റ്സ്) വി.മുരളി ( സീനിയർ മാനേജർ ഗോകുലം ചിറ്റ്സ്) തുടങ്ങി വിവിധ വായനശാലകളുടെയും, സാംസ്കാരിക സംഘടനകളുടേയും പ്രതിനിധികൾ ആശംസകൾ നേർന്നുകൊണ്ട് സംസാരിച്ചു. പു ക സ മേഖല സെകട്ടറി ആർ.ശാന്തകുമാരൻ സ്വാഗതവും, വി.ഐ.എം. ഹൈസ്കൂൾ ഹെഡ്മിസ്ട്രസ്സ് പുഷ്പലത നന്ദിയും പറഞ്ഞു.
(വാർത്ത. രാമദാസ്. ജി കൂടല്ലൂർ).
