ജില്ലയിലെ മൈക്രോ കണ്ടെയ്ന്‍മെന്റ് സോണുകള്‍
കോവിഡ് പ്രതിരോധത്തിന്റെ ഭാഗമായി ജില്ലയിലെ പട്ടിത്തറ, വാണിയംക്കുളം ഗ്രാമപഞ്ചായത്തുകളിലെ വാര്‍ഡുകള്‍ മൈക്രോ കണ്ടൈന്‍മെന്റ് സോണുകളായി പ്രഖ്യാപിച്ച് ജില്ലാ ദുരന്തനിവാരണ അതോറിറ്റി ചെയര്‍പേഴ്സണ്‍ കൂടിയായ ജില്ലാ കലക്ടര്‍ മൃണ്‍മയി ജോഷി ഉത്തരവിട്ടു. സെപ്തംബര്‍ 27 ന് മൈക്രോ കണ്ടെയ്ന്‍മെന്റ് സോണായി പ്രഖ്യാപിച്ചതും താഴെ നല്‍കിയ പട്ടികയില്‍ ഉള്‍പ്പെടാത്തതുമായ മറ്റു വാര്‍ഡുകളെ മൈക്രോ കണ്ടെയ്ന്‍മെന്റ് സോണില്‍ നിന്നും ഒഴിവാക്കിയിട്ടുണ്ട്.
പഞ്ചായത്ത്, വാര്‍ഡ് നമ്പര്‍, വാര്‍ഡിന്റെ പേര്, പ്രദേശം യഥാക്രമം:
പട്ടിത്തറ- 2- പൂലേരി- പൂലേരി
പട്ടിത്തറ- 8- കാശാമുക്ക്- കാശാമുക്ക്
പട്ടിത്തറ- 16- അങ്ങാടി- നെല്ലിപ്പടി
പട്ടിത്തറ- 18- ഒതളൂര്‍- ഒതളൂര്‍
വാണിയംകുളം- 6- മനിശ്ശീരി- അമ്പലക്കുളം നഗര്‍
വാണിയംക്കുളം- 15- പാതിപ്പാറ- വിലങ്ങേരിപ്പറമ്പ്
മൈക്രോ കണ്ടെയ്ന്‍മെന്റ് സോണുകളില്‍ പാലിക്കേണ്ട നിര്‍ദ്ദേശങ്ങള്‍
1. തീവ്രബാധിത പ്രദേശങ്ങളില്‍ അതിര്‍ത്തി തിരിക്കുന്നതിന് വേണ്ട നടപടികള്‍ ബന്ധപ്പെട്ട് പോലീസ്, തദ്ദേശ സ്വയംഭരണ സ്ഥാപന അധികൃതര്‍ എന്നിവര്‍ സംയുക്തമായി സ്വീകരിക്കണം
2. കോവിഡ് പോസിറ്റീവ് ആകുന്നവരെ നിര്‍ബന്ധമായും ഡി.സി.സി, സി.എഫ്.എല്‍.ടി.സി യിലേക്ക് മാറ്റണം.
3. അവശ്യ വസ്തുക്കള്‍ വില്‍ക്കുന്ന കടകള്‍ രാവിലെ ഏഴ് മുതല്‍ വൈകിട്ട് ഏഴ് വരെ ഹോം ഡെലിവറി നടത്തുന്നതിന് മാത്രമായി തുറന്നു പ്രവര്‍ത്തിക്കാം. മറ്റു വാണിജ്യസ്ഥാപനങ്ങള്‍ തുറക്കരുത്.
4. മരുന്നുകള്‍, ഭക്ഷണസാധനങ്ങള്‍ എന്നിവ ജനങ്ങള്‍ക്ക് എത്തിച്ചുകൊടുക്കുന്നതിന് ആര്‍.ആര്‍.ടി.മാര്‍, വളണ്ടിയര്‍മാര്‍ എന്നിവരുടെ സേവനം തദ്ദേശസ്ഥാപനങ്ങള്‍ ഉറപ്പാക്കണം.
5. അനാവശ്യ യാത്രകള്‍ കര്‍ശനമായി നിരോധിച്ചു. അത്യാവശ്യഘട്ടങ്ങളില്‍ പുറത്തിറങ്ങുമ്പോള്‍ സെല്‍ഫ് ഡിക്ലറേഷന്‍ കൈവശം കരുതണം.
6. നിയന്ത്രണ മേഖലകളില്‍ പൊതു വാഹനഗതാഗതം പൂര്‍ണമായും നിരോധിച്ചിട്ടുണ്ട്. ദീര്‍ഘദൂര ബസുകള്‍ക്ക് കടന്നുപോകാം. എന്നാല്‍ ഈ മേഖലയില്‍ നിന്നും യാത്രക്കാരെ കയറ്റാനും ഇറക്കാനും പാടില്ല.
7. ആഴ്ച ചന്തകളും വഴിവാണിഭങ്ങളും പൂര്‍ണമായും നിരോധിച്ചിട്ടുണ്ട്.
8.ഹോട്ടലുകളില്‍ ഹോം ഡെലിവറി മാത്രം അനുവദിക്കും.
9. മെഡിക്കല്‍ ഷോപ്പുകള്‍, മില്‍മ ബൂത്തുകള്‍, പെട്രോള്‍ പമ്പ് എന്നിവ നിയന്ത്രണങ്ങളോടെ തുറക്കാം.
10. പ്രായമായവര്‍, ഗര്‍ഭിണികള്‍, കുട്ടികള്‍ എന്നിവര്‍ ആശുപത്രി ആവശ്യത്തിനല്ലാതെ പുറത്തിറങ്ങരുത്.
11. വീടുകളിലും പൊതുസ്ഥലങ്ങളിലും ഒത്തുചേരല്‍ പൂര്‍ണമായും നിരോധിച്ചിട്ടുണ്ട്.
12. നേരത്തെ നിശ്ചയിച്ച വിവാഹങ്ങള്‍ കോവിഡ് 19 ജാഗ്രത പോര്‍ട്ടലില്‍ രജിസ്റ്റര്‍ ചെയ്ത് 20 പേരെ മാത്രം ഉള്‍പ്പെടുത്തി നടത്താം.
13. മരണവീടുകളില്‍ 20 പേരില്‍ കൂടുതല്‍ ഒത്തുചേരുന്നത് നിരോധിച്ചിട്ടുണ്ട്.
14. മറ്റ് ആള്‍ക്കൂട്ടങ്ങള്‍, പൊതുപരിപാടികള്‍, സമരങ്ങള്‍, പ്രകടനങ്ങള്‍ എന്നിവ കര്‍ശനമായി നിരോധിച്ചിരിക്കുന്നു.
15. സെക്ടറല്‍ മജിസ്ട്രേറ്റുമാര്‍ ലോക്ഡൗണ്‍ പ്രദേശങ്ങളില്‍ ദിവസത്തില്‍ രണ്ട് തവണ സന്ദര്‍ശിച്ച് നിയന്ത്രണങ്ങള്‍ പാലിക്കുന്നുണ്ടെന്ന് ഉറപ്പാക്കണം.
16. ബന്ധപ്പെട്ട സ്റ്റേഷന്‍ ഹൗസ് ഓഫീസര്‍, തദ്ദേശ സ്വയംഭരണ സ്ഥാപന അധികൃതര്‍ ഉത്തരവ് നടപ്പാക്കുന്നുണ്ടെന്ന് ഉറപ്പാക്കണം.
