ജില്ലയിൽ നിലനിൽക്കുന്ന ഓൺലൈൻ വിദ്യാഭ്യാസ വിവേചനം,പ്ലസ് വൺ,ഡിഗ്രി സീറ്റ് അപര്യാപ്തത എന്നിവ പരിഹരിക്കുന്നതിനായി ഇടപെടണമെന്നാവശ്യപ്പെട്ട് മണ്ണാർക്കാട് എം.എൽ.എ അഡ്വ:എൻ.ഷംസുദ്ദീൻ,ആലത്തൂർ എം.എൽ.എ കെ.ഡി പ്രസേനൻ എന്നിവർക്ക് ഫ്രറ്റേണിറ്റി മൂവ്മെന്റ് നിവേദനം നൽകി.
അട്ടപ്പാടി അഗളി താഴെ ഊരിലെ സാമൂഹിക പഠന കേന്ദ്രത്തിൽ വൈദ്യുതിയില്ലാത്തതിനാൽ വിദ്യാർത്ഥികൾക്ക് വിക്ട്ടേഴ്സ് ചാനൽ കാണാൻ സാധിക്കാത്തതിനാൽ ഇലക്ട്രസിറ്റി കണക്ഷൻ ഉടൻ ലഭ്യമാക്കാനും കുലുക്കൂർ ഊരിലെ പഠന കേന്ദ്രത്തെ ഐ.ടി.ഡി.പി ‘പഠനമുറി’യാക്കി ഉയർത്തുവാനും ഇടപെടണമെന്ന് ഷംസുദ്ദീൻ എം.എൽ.എയോട് നേതാക്കൾ ആവശ്യപ്പെട്ടു.
ഗവ/എയ്ഡഡ് ആർട്സ് & സയൻസ് കോളേജുകളില്ലാത്ത ആലത്തൂർ മണ്ഡലത്തിൽ ഗവൺമെന്റ് കോളേജ് അനുവദിച്ചു കിട്ടാൻ സർക്കാറിൽ സമ്മർദ്ദങ്ങൾ ചെലുത്തണമെന്ന് കെ.ഡി പ്രസേനൻ എം.എൽ.എയോടും നേതാക്കൾ ആവശ്യപ്പെട്ടു.
ഫോട്ടോ:എം.എൽ.എമാ രായ അഡ്വ.എൻ.ശംസുദ്ധീൻ,കെ.ഡി പ്രസേനൻ എന്നിവർക്ക് ഫ്രറ്റേണിറ്റി നേതാക്കൾ നിവേദനം നൽകുന്നു.
