പാലക്കാട്: കൊള്ളപ്പലിശക്കാർക്കെതിരെ ജില്ലയിൽ വ്യാപക റെയ്ഡ്. അനധികൃതമായി പണം പലിശക്ക് കൊടുക്കുന്നവരുടെ വീടുകളും സ്ഥാപനങ്ങളും കേന്ദ്രീകരിച്ചായിരുന്നു റെയ്ഡ്. തിങ്കളാഴ്ച രാവിലെ മുതൽ ആരംഭിച്ച റെയ്ഡിൽ നാലുപേർ അറസ്റ്റിലായി. എട്ട് കേസുകൾ രജിസ്റ്റർ ചെയ്തു.
പാലക്കാട് കൊടുമ്പ് തിരുവാലത്തൂർ പ്രേമ നിവാസിൽ ഷിജു (38), എലപ്പുള്ളി പള്ളത്തേരി ഒതുവക്കോട് ഭരതരാജൻ (45), വാളയാർ അട്ടപ്പള്ളം സുധീഷ് (35), മേലേപട്ടാമ്പി ഉൗരാട്ടുതൊടി ഷഫീർ, മേലേപട്ടാമ്പി കൊപ്പത്ത് പാറമ്മൽ ഹംസ (59), ഇളവമ്പാടം പാറക്കൽ പ്രഭാകരൻ (60), കിഴക്കഞ്ചേരി വീട്ടമൂലേങ്കാട് മണ്ണൂർ കണ്ണൻ (42), വടക്കഞ്ചേരി അഞ്ചുമൂർത്തിമംഗലം ചീറുമ്പക്കാവ് ഷിബു (40) എന്നിവർക്കെതിരെയാണ് കേസ് രജിസ്റ്റർ ചെയ്തത്. ഇവരിൽ ഷിജു, ഷഫീർ, ഹംസ, കണ്ണൻ എന്നിവരെ അറസ്റ്റ് ചെയ്തു.