പുസ്തക പ്രകാശനം

ഒറ്റപ്പാലം താലൂക്ക് ലൈബ്രറി കൗൺസിലിന്റെയും മലബാർ സൗഹൃദ വേദിയുടെയും സംയുക്ത ആഭിമുഖ്യത്തിൽ കവയിത്രി ബിന്ദു പുഴക്കിൽ രചിച്ച “കടമ്പുപൂക്കും കാടുകളുടെ രാധിക” എന്ന കവിതാ പുസ്തകം താലൂക്ക് ലൈബ്രറി ഹാളിൽ നടന്ന ചടങ്ങിൽ ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ പികെ സുധാകരൻ സാഹിത്യകാരി എം ബി മിനി യ്ക്ക് നൽകി പ്രകാശനം ചെയ്തു. ചടങ്ങിൽ ഡോ. അമൃതം കൃഷ്ണദാസ് അദ്ധ്യക്ഷത വഹിച്ചു. മലയാളം മിഷൻ മുൻ രജിസ്ട്രാർ എം സേതുമാധവൻ, ഒറ്റപ്പാലം താലൂക്ക് ലൈബ്രറി സെക്രട്ടറി സി വിജയൻ , മോഴിക്കുന്നം ദാമോദരൻ നമ്പൂതിരി, മലബാർ സൗഹൃദവേദി സെക്രട്ടറി ദിനേശൻ നെല്ലായ , കവി ഹരിദാസ് കൊങ്ങശ്ശേരി, മലബാർ സൗഹൃദ വേദി ചെയർമാൻ ബിജുമോൻ പന്തിരുകുലം, പി സുഭാഷിണി, കവയിത്രി ബിന്ദു പുഴക്കിൽ എന്നിവർ സംസാരിച്ചു. പ്രദീപ് ചെറായ ഗാനാലാപനം നടത്തി.