മദ്യഷാപ്പുകളിൽ വൻ തിരക്ക്
ലോഡുകണക്കിന് മദ്യം ദിനംപ്രതി വിറ്റഴിയുന്നു.
പാലക്കാട്: ജില്ലയുടെ അതിർത്തി പ്രദേശമായ കൊയമ്പത്തൂർ ജില്ലയിൽ മദ്യഷാപ്പുകൾ അടക്കുകയും നാളെ ഓൾ ഇന്ത്യ മദ്യവിരുദ്ധ ദിനവുമായതിനാൽ പാലക്കാട്ടെ വിദേശമദ്യഷാപ്പുകളിൽ വൻ തിരക്ക് അനുഭവപ്പെട്ടു. ഇന്നു മാത്രമല്ല – കഴി’ഞ്ഞ ദിവസങ്ങളിലും നീണ്ട നിര അനുഭവപ്പെട്ടു.തമിഴ്നാട്ടിൽ നിന്നും ബൈക്കുകളിലും കാറുകളിലും മറ്റുമായി ജനങ്ങൾ വന്ന് മദ്യം വാങ്ങി അധിക വിലക്ക് തമിഴ്നാട്ടിൽ വിൽക്കുന്നു. വരി നിയന്ത്രിക്കാൻ പോലീസ് നിൽക്കുന്നുണ്ടെങ്കിലും അനുവതീയമായതിനേക്കാൾ കൂടുതൽ അളവിൽ മദ്യം വാങ്ങി പോകുന്നവരെ പിടികൂടാൻ എ ക്സൈസ്സ് വകുപ്പ് ശ്രദ്ധിക്കൂന്നില്ലെന്ന് പരക്കെ ആക്ഷേപമുണ്ട്. വരിയിൽ നിന്ന് വാങ്ങി അധിക വിലക്ക് വിൽക്കുന്നവരും ഡമ്മി പീസായി വരിയിൽ നിൽക്കുന്നവരും ഉണ്ട്. വരിയിൽ നില്ക്കുന്ന ആൾകൗണ്ടറിനടുത്തെത്തി പ്രസ്തുത സ്ഥലം നൂറു രൂപക്ക് മറ്റൊരാൾക്ക് നൽകുന്നു. ഇത്തരത്തിൽ ഒരു ദിവസം 600 രൂപ വരെ സമ്പാദിക്കുന്നവരും ഉള്ളതായി പറയുന്നു.
ഫോട്ടോ: സ്റ്റേഡിയം ബൈപാസ് റോഡിൽ ഐ.എം.എ.ജങ്ങ്ഷൻ പരിസരത്തെ മദ്യഷാപ്പിലേക്ക് കൊണ്ടുവരുന്ന വിദേശമദ്യലോഡ്.