തേങ്കുറുശ്ശിയിൽ പെൺകരുത്തിലും മത്സ്യകൃഷി

.☝🏿 തേങ്കുറുശ്ശിയിൽ പെൺകരുത്തിലും മത്സ്യകൃഷി വിളവെടുപ്പ് ജനകീയ മത്സ്യകൃഷി രണ്ടാം ഘട്ടം
പൊതുകു ളങ്ങളിലെ വിശാല കാർപ്പ് കൃഷി വിഭാഗത്തിലെ മത്സ്യകൃഷി വിളവെടുപ്പ് നടത്തി. കേരള ഫിഷറീസ് വകുപ്പ് ജനകീയ മത്സ്യകൃഷി പ്രോത്സാഹിപ്പിക്കുന്നതിൻ്റെ ഭാഗമായി പഞ്ചായത്ത് പൊതുകുളങ്ങളിൽ മത്സ്യ കുഞ്ഞ് നിഷേപിച്ച് വളർത്തി വിളവെടുപ്പിനെ കുടുംബശ്രീ അയൽകൂട്ടങ്ങളെ ചുമതലപ്പെടുത്തുന്നതിൻ്റെ ഭാഗമായിട്ടാണ് തേങ്കുറുശ്ശി പഞ്ചായത്ത് തെക്കുംപുറം ദേവികുടുംബശ്രീയെ ഒരേക്കർ വിസ്തൃതിയുള്ള തെക്കുംപുറം’ കുളം മത്സ്യം വളർത്തലിനെ ചുമതലപ്പെടുത്തിയത്.കുടുംബശ്രീ ഭാരവാഹികളായ കല്യാണിയും -ശാന്തകുമാരിയും സുലോചന – വള്ളി – ഗിരിജ എന്നിവർ ചേർന്ന് എട്ട് മാസമായി കൃത്യമായി പരിചരിക്കുന്നു. എന്നാൽ കഴിഞ്ഞ ദിവസങ്ങളിൽ രാത്രിയിൽ മത്സ്യം കളവുപോവുന്ന സ്ഥിതിയുണ്ടായി എന്നിരുന്നാലും വിളവെടുപ്പ് ലാഭകരമായിരുന്നു കുറച്ചു കൂടി ശ്രദ്ധിക്കാൻ കഴിഞ്ഞാൽ മറ്റു തൊഴിലിനു പോലെ നല്ലവരുമാന മാർഗ്ഗമാണെന്ന് കുടുംബശ്രീ അംഗങ്ങൾ അഭിപ്രായപ്പെട്ടു. വിളവെടുപ്പ് പഞ്ചായത്ത് പ്രമോട്ടർ എം ഹരിദാസൻ്റെ അദ്ധ്യക്ഷതയിൽ പഞ്ചായത്ത് പ്രസിഡണ്ട് വി.ആർ.ഭാർഗ്ഗവൻ ഉദ്ഘാടനം ചെയ്തു.കുടുംബശ്രീ പ്രസിഡണ്ട് കല്യാണി സ്വാഗതവും സെക്രട്ടറി ശാന്തകുമാരി നന്ദിയും പറഞ്ഞു.