സർവീസ് നിർത്താൻ ഒരുങ്ങി സ്വകാര്യബസ് മേഖ
പാലക്കാട്കോവിഡിന്റെ രണ്ടാംതരംഗത്തിൽ സ്വകാര്യ ബസ് സർവീസ് കടുത്ത പ്രതിസന്ധിയിൽ. വരുമാനമില്ലാതെ പല ബസുകളും സർവീസ് നിർത്താൻ ആലോചിക്കുകയാണ്. രണ്ടാഴ്ചയ്ക്കുള്ളിൽ പകുതി സർവീസുകൾ അവസാനിപ്പിക്കാനാണ് ബസുടമകളുടെ തീരുമാനം. കോവിഡ്കാലത്തിനുശേഷം ആളുകൾ ബസ് യാത്ര കുറച്ചു. രാവിലെയും വൈകിട്ടുമുള്ള വരുമാനംകൊണ്ടാണ് പല ബസുകളും പിടിച്ചു നിൽക്കുന്നത്. ബസുകളിൽ നിർത്തിയുള്ള യാത്ര വിലക്കിയതോടെ ഈ വരുമാനവും കുറഞ്ഞു. മാർച്ചുവരെ നികുതിയും സർക്കാർ കുറച്ചു. ഇതും ആശ്വാസമായി. എന്നാൽ തെരഞ്ഞെടുപ്പ് പെരുമാറ്റച്ചട്ടം ഉള്ളതിനാൽ ഈ മാസം നികുതിയിളവ് അനുവദിക്കാനുമാകില്ല. ഡീസലിന് സബ്സിഡി വേണമെന്ന ബസുകാരുടെ ആവശ്യവും വേഗത്തിൽ പരിഗണിക്കാൻ കഴിയില്ല. ഇതാണ് സർവീസ് നിർത്താനുള്ള പ്രധാന കാരണം. ഉയർന്ന ഇന്ധന വിലവർധനയും ഈ മേഖലയ്ക്ക് കനത്ത തിരിച്ചടിയാണ്.
