കെ എസ് ആർ ടി സി യ്ക്ക് സമാന്തരമായി സൂപ്പർ ക്ലാസ് സർവീസുകൾ നടത്തുന്നതിനായി രൂപീകരിച്ച കമ്പനിയായ സ്വിഫ്റ്റിൻ്റെ ഉദ്ഘാടന വേദിയിൽ പ്രതിഷേധിച്ച കെ എസ് ടി എംപ്ലോയീസ് സംഘ് പ്രവർത്തകരെ പോലീസ് അറസ്റ്റ് ചെയ്തതിൽ പ്രതിഷേധിച്ച് പാലക്കാട് ഡിപ്പോയിൽ ജീവനക്കാർ പ്രതിഷേധ പ്രകടനവും പൊതുയോഗവും നടത്തി.
കെ എസ് ആർ ടി സിയെ പാടെ തകർക്കുന്ന കമ്പനി അംഗീകരിക്കാനാവില്ലെന്നും, പൊതുജനങ്ങൾക്ക് സേവനം നൽകേണ്ട പൊതുമേഖലാ സ്ഥാപനം ലാഭം ലക്ഷ്യമാക്കി കമ്പനിയാക്കുന്നത് ജനദ്രോഹമാണെന്നും, ഇത് അഴിമതിക്കും, അവിഹിത നിയമനങ്ങൾക്കുമുള്ള സ്ഥാപനം ഉണ്ടാക്കിയെടുക്കാനുള്ള സി പി എം ഗൂഢാലോചനയാണ്. മുമ്പ്, കെ എസ് ആർ ടി സിയെ സഹായിക്കാനെന്ന പേരിൽ നിലവിൽ വന്ന കെ റ്റി ഡി എഫ് സി അമിത പലിശ ഈടാക്കി കെ എസ് ആർ ടി സിയെ തകർക്കുകയായിരുന്നു. Restructure 2.0 എന്ന പേരിൽ നടത്തുന്ന ഇത്തരം പരിഷ്ക്കാരങ്ങൾ നടപ്പിലാക്കിയതത്രയും പരാജയപ്പെട്ട ഖന്ന റിപ്പോർട്ടിൻ്റെ തുടർച്ചയാണെന്നും, കെ എസ് ആർ ടി സിയെ തകർക്കുന്ന കമ്പനിവത്ക്കരണത്തിനെതിരെ സമരം ശക്തിപ്പെടുത്തുമെന്നും പ്രതിഷേധ യോഗം ഉദ്ഘാടനം ചെയ്ത് സംസ്ഥാന സെക്രട്ടറി P.K. ബൈജു പറഞ്ഞു.
NK കണ്ണൻ, സുരേഷ്കൃഷ്ണൻ , PR മഹേഷ്, S. സരേഷ് , Mകണ്ണൻ, TV രമേഷ് കുമാർ , CK സുകുമാരൻ എന്നിവർ സംസാരിച്ചു.