ലെക്കിടി കിൻഫ്ര വ്യവസായ പാർക്കിൽ നിർമിച്ച പ്രതിരോധ പാർക്ക് ബുധനാഴ്ച പകൽ 12ന് മുഖ്യമന്ത്രി പിണറായി വിജയൻ ഓൺലൈനിലൂടെ ഉദ്ഘാടനം ചെയ്യും. മന്ത്രി ഇ പി ജയരാജൻ അധ്യക്ഷനാകും.75,000 ചതുരശ്ര അടിയിലുള്ള അഡ്മിനിസ്ട്രേറ്റീവ് ബിൽഡിങ്, രണ്ട് ലക്ഷം ചതുരശ്ര അടിയിലുള്ള കോമൺ ഫെസിലിറ്റി സെന്റർ, പ്രതിരോധ ഉപകരണങ്ങൾ സൂക്ഷിക്കാനായുള്ള മൂന്ന് വെയർഹൗസ്, യൂട്ടിലിറ്റി സെന്റർ എന്നീ കെട്ടിടങ്ങളുടെ നിർമാണമാണ് പൂർത്തിയാക്കിയത്. റോഡ്, വൈദ്യുതി , ജലവിതരണ സംവിധാനം എന്നിവ പൂർത്തിയായി. 115 കോടി രൂപയുടെ പദ്ധതിയിൽ 50 കോടി രൂപ കേന്ദ്ര വ്യവസായ മന്ത്രാലയത്തിന്റെയാണ്. ബാക്കി സംസ്ഥാന സർക്കാരിന്റെയും.