പാലക്കാട്ജില്ലയിലെ പൾസ് പോളിയോ തുള്ളിമരുന്ന് വിതരണത്തിനുള്ള തയ്യാറെടുപ്പുകൾ പൂർത്തിയായി. ഞായറാഴ്ചയാണ് വാക്സിനേഷൻ. ജില്ലയിലെ അഞ്ചു വയസ്സിനുതാഴെയുള്ള 2,11,468 കുട്ടികളെയാണ് വാക്സിനേഷൻ പട്ടികയിൽ ഉൾപ്പെടുത്തിയിരിക്കുന്നത്. ഇതിൽ അതിഥിത്തൊഴിലാളികളുടെ 742 കുട്ടികളും ഉൾപ്പെടുന്നു. 2,33,000 പോളിയോ വാക്സിനാണ് ജില്ലയിൽ എത്തിയത്. 2115 ബൂത്തുകളിലൂടെയാണ് വിതരണം. ഓരോ ബൂത്തിനും രണ്ട് അംഗങ്ങൾ വീതം ആകെ 4230 പേരും 220 സൂപ്പർവൈസർമാരും ഉണ്ടാകും. ബൂത്തുകളിൽ എത്തി പോളിയോ സ്വീകരിക്കാൻ കഴിയാത്ത കുട്ടികൾക്ക് ഫെബ്രുവരി 1, 2 തീയതികളിൽ വീടുകളിലെത്തി വാക്സിൻ നൽകും. ഇതിനായി രണ്ടുപേർ വീതമുള്ള 3124 സംഘങ്ങളെ സജ്ജീകരിച്ചു. 314 സൂപ്പർവൈസർമാരെയും ഇതിന് നിയോഗിച്ചു. മാൾ/ബസാർ, ബസ്സ്റ്റാൻഡ്, റെയിൽവേ സ്റ്റേഷൻ തുടlങ്ങിയ ഇടങ്ങളിൽ പോളിയോ നൽകും. 150 മൊബൈൽ ടീമുകളും വാക്സിനേഷന്റെ സുഗമമായ നടത്തിപ്പിന് തയ്യാറാണ്.