കോട്ടയ്ക്കകത്തെ തണൽമരങ്ങളെ നാശത്തിൽ നിന്ന് രക്ഷിക്കുക ഏകതാ പരിഷത്ത്

പാലക്കാട് കോട്ടയ്ക്കകത്തെ തണൽമരങ്ങളെ നാശത്തിൽ നിന്ന് രക്ഷിക്കുക
ഏകതാ പരിഷത്ത്

പാലക്കാട് ഹൃദയഭാഗത്ത് വലിയ ചരിത്ര സ്മരണകൾ ഉയർത്തി സ്ഥിതിചെയ്യുന്ന കോട്ടയ്ക്കുള്ളിലെ ചരിത്ര സാക്ഷികളായ നൂറ്റാണ്ടുകൾ പഴക്കമുള്ള മരങ്ങൾ അധികാരികളുടെ അശ്രദ്ധമൂലം നശിച്ചുപോകുന്ന അവസ്ഥയിലാണ് ഇപ്പോൾ. പലതരം ഇത്തിളുകൾ വളർന്നു പടരുന്നതിനാൽ മരങ്ങളുടെ വളർച്ച മുരടിച്ചു തുടങ്ങിയിരിക്കുന്നു. പുരാവസ്തു വകുപ്പിന് കീഴിലുള്ള ഈ ചരിത്ര കോട്ടയുടെ തണൽമരങ്ങൾ സംരക്ഷിക്കണമെന്നും മരങ്ങൾക്ക് ഭീഷണിയായി വളരുന്ന ഇത്തിളുകളുടെ ആക്രമണത്തിൽ നിന്നും മരങ്ങളെ സംരക്ഷിക്കണമെന്നും ഏകതാ പരിഷത്ത് ആവശ്യപ്പെട്ടു. ഈ ആവിശ്യം ഉന്നയിച്ച് കൊണ്ട് പുരാവസ്തു വകുപ്പിന് പരാതി നൽകുവാനും യോഗം തീരുമാനിച്ചു.സന്തോഷ് മലമ്പുഴയുടെ അധ്യക്ഷതയിൽ കൂടിയ യോഗത്തിൽ വിളയോടി വേണുഗോപാൽ, അഖിലേഷ് കുമാർ, എം രാജേഷ്,റഹീം ഒലക്കോട്, ഉണ്ണികൃഷ്ണൻ പുതൂർ എന്നിവർ സംസാരിച്ചു.