പറളി: പഞ്ചവത്സര പദ്ധതികളിലൂടെ രാജ്യത്തിൻെറ സമഗ്ര വികസനം കൈവരിച്ച ആദ്യ പ്രധാനമന്ത്രി ജവഹർലാൽ നെഹ്റുവിൻെറ ആശയങ്ങളും കാഴ്ചപ്പാടും ഇന്നും പ്രസക്തമാണെന്ന് വി.കെ. ശ്രീകണ്ഠൻ എം.പി.
പറളി തലപ്പൊറ്റയിൽ സംഘടിപ്പിച്ച ഏകദിന പഠനശിബിരം ഉദ്ഘാടനം ചെയ്യുകയായിരുന്നു അദ്ദേഹം. മണ്ഡലം കോൺഗ്രസ് പ്രസിഡൻറ് എം.ആർ. ഗുരുവായൂരപ്പൻ അധ്യക്ഷത വഹിച്ചു. ഷാഫി പറമ്പിൽ എം.എൽ.എ, എ.ഐ.സി.സി അംഗം കെ.എ. തുളസി, കെ.പി.സി.സി ജനറൽ സെക്രട്ടറി പി.വി. രാജേഷ്, ഡി.സി.സി സെക്രട്ടറിമാരായ മണികണ്ഠൻ, സി. ബാലൻ, ഐ.എൻ.ടി.യു.സി ജില്ല പ്രസിഡൻറ് മനോജ് ചെങ്ങന്നൂർ, യൂത്ത് കോൺഗ്രസ് ജില്ല പ്രസിഡൻറ് ഫിറോസ് ബാബു, കെ.എസ്.യു ജില്ല പ്രസിഡൻറ് ജയഘോഷ്, ബ്ലോക്ക് കോൺഗ്രസ് പ്രസിഡൻറ് കെ.എം. അബ്ദുൽ സത്താർ എന്നിവർ സംസാരിച്ചു. യൂത്ത് കോൺഗ്രസ് സംസ്ഥാന സെക്രട്ടറി ഡോ. സരിൻ ക്ലാസെടുത്തു. മങ്കര പഞ്ചായത്ത് പ്രസിഡൻറ് എം.എൻ. ഗോകുൽദാസ്, ബ്ലോക്ക് പഞ്ചായത്ത് അംഗം കെ.ആർ. പ്രസാദ്, പറളി പഞ്ചായത്തിലേക്ക് വിജയിച്ച കോൺഗ്രസ് അംഗങ്ങൾ എന്നിവരെ ആദരിച്ചു ശാരംഗധരൻ തവത്ത് സ്വാഗതവും കെ.എസ്. അസ്ഫർ നന്ദിയും പറഞ്ഞു.
