ഒറ്റപ്പാലം: ഇടുക്കി ഹൈറേഞ്ചിലെ തേയിലത്തോട്ടങ്ങൾക്കിടയിലെ ഒരു ചെറിയ ലയത്തിൽനിന്നാണ് (തോട്ടം തൊഴിലാളികളുംമറ്റും താമസിക്കുന്ന ചെറിയ വീട്) ആ യാത്രതുടങ്ങിയത്. തമിഴ്നാട്ടിൽനിന്ന് കുടിയേറിയെത്തിയ കുടുംബത്തിലെ ഏലം കർഷകൻ സി. പാണ്ഡ്യനും അങ്കണവാടി അധ്യാപിക ഉഷയും മകനെ നന്നായി പഠിപ്പിക്കണമെന്നേ ആഗ്രഹിച്ചുള്ളൂ. അതിനായി അവർ അധ്വാനിച്ചു. അച്ഛന്റെയും അമ്മയുടെയും ബുദ്ധിമുട്ടറിഞ്ഞമകൻ അവധിദിവസങ്ങളിൽ തേയിലച്ചാക്ക് ചുമന്നു. കുട്ടികൾക്ക് ട്യൂഷനെടുത്തു.
. സിവിൽ സർവീസിനോട് പെട്ടെന്നുതോന്നിയ ആഗ്രഹവും കഠിനാധ്വാനവും അദ്ദേഹത്തെ ഇടുക്കി ഹൈറേഞ്ചിൽനിന്നുള്ള ആദ്യ ഐ.എസ്.എസുകാരനാക്കി. ഇപ്പോൾ ആ യുവാവ് ഒറ്റപ്പാലത്തുണ്ട്. അതെ, വള്ളുവനാടിന്റെ സബ് കളക്ടർ അർജുൻ പാണ്ഡ്യൻ ഐ.എ.എസ്.
