കേന്ദ്ര സർക്കാർ കൊണ്ടുവന്ന കർഷക ബിൽ കോർപ്പറേറ്റ് മേഖലയെ സഹായിക്കുവാൻ
കേരള കോൺഗ്രസ് എം (പി ജെ ജോസഫ് വിഭാഗം)
പാലക്കാട് : കേന്ദ്ര സർക്കാർ കൊണ്ടുവന്ന കർഷക ബിൽ കർഷകരെ ചൂഷണം ചെയ്യാനും കോർപ്പറേറ്റ് കമ്പനികളെ സഹായിക്കുവാനും ആണെന്ന് കേരള കോൺഗ്രസ് എം കുറ്റപ്പെടുത്തി രാജ്യത്തെ കർഷകരുടെ 80 ശതമാനം വരുന്ന ചെറുകിട കർഷകർ ഈ കർഷക ബിൽ വരുന്നതോടുകൂടി വലിയ പ്രതിസന്ധി നേരിടേണ്ടി വരും രാജ്യ തലസ്ഥാനത്ത് നടക്കുന്ന കർഷക സമരം അവസാനിപ്പിക്കാൻ കർഷകരുടെ ആവശ്യങ്ങൾ അംഗീകരിച്ച് കേന്ദ്ര സർക്കാർ കർഷകരോടുള്ള വിവേചനം അവസാനിപ്പിക്കണമെന്നും കേരള കോൺഗ്രസ് എം പി ജെ ജോസഫ് വിഭാഗം പാലക്കാട് നിയോജകമണ്ഡലം നേതൃത്വത്തിൽ നടന്ന സത്യഗ്രഹ സമരത്തിൽ കേന്ദ്രസർക്കാരിനോട് ആവശ്യപ്പെട്ടു.
പാലക്കാട് നിയോജകമണ്ഡലം പ്രസിഡൻറ് പ്രജീഷ് പ്ലാക്കൽലിൻറെ നേതൃത്വത്തിൽ നടന്ന സത്യാഗ്രഹസമരം പാർട്ടി ജില്ലാ വൈസ് പ്രസിഡൻറ് എം വി രാമചന്ദ്രൻ നായർ ഉദ്ഘാടനം ചെയ്തു. കെപിസിസി obc ഡിപ്പാർട്ട്മെൻറ് സംസ്ഥാന പ്രസിഡൻറ് സുമേഷ് അച്യുതൻ ,കേരള കോൺഗ്രസ് പാർട്ടി ഭാരവാഹികളായ കെ .ശിവരാജേഷ് , പി മാധവ വാര്യർ,എൻ. പി ചാക്കോ, പ്രൊഫസർ ടി .എം മാത്യു, പി. കെ ജോസഫ്, രാജൻ വർഗീസ്, ജയൻ സി തോമസ്,സെബി വടക്കൻ, സതീഷ് എന്നിവർ അഭിവാദ്യം അർപ്പിച്ച് സംസാരിച്ചു.