കേന്ദ്ര വനം പരിസ്ഥിതി മന്ത്രാലയത്തിന്റെ ഇഎസ്എ, ഇഎസ് സെഡ് വിജ്ഞാപനങ്ങൾക്കെതിരെ അട്ടപ്പാടിയിലെ മുഴുവൻ കർഷകരെയും അണിനിരത്തുന്ന കർഷക പ്രക്ഷോഭ പരിപാടികൾക്ക് അട്ടപ്പാടി മേഖലാ കർഷക സംരക്ഷണ സമിതി രൂപം നല്കി.
നാളെ ഉച്ചതിരിഞ്ഞ് 3.30 ന് മുക്കാലി മുതൽ ആനക്കട്ടി വരെ അറുപതിനായിരം കർഷകർ തീർക്കുന്ന 37 കിലോമീറ്റർ നീളുന്ന പ്രതിരോധ കോട്ടയാണ് അതിജീവന മതിലെന്ന് അട്ടപ്പാടി മേഖലാ കർഷക സംരക്ഷണ സമിതി പ്രസിഡന്റ് ശ്രീലക്ഷ്മി ശ്രീകുമാറും, സെക്രട്ടറി ജോണ്സണ് വിലങ്ങു പാറയിലും അറിയിച്ചു. മുക്കാലിയിയിൽ ആദിവാസി മേഖലയിൽ നിന്നുള്ള അൻപത് കുട്ടികൾ അവകാശപ്രഖ്യാപന പ്രതിജ്ഞ നടത്തിയാണ് അതിജീവന മതിലിന്റെ ഉദ്ഘാടനം നടത്തുക. കർഷകരക്ഷാ സമിതി ജില്ലാ പ്രസിഡന്റ് അഡ്വ.ടോമി കിഴക്കേക്കര, ജില്ലയിലെ ജനപ്രതിനിധികൾ, കർഷകസംരക്ഷണ പ്രവർത്തകർ തുടങ്ങിയവർ അണിചേരും.