തൃത്താല, കൂറ്റനാട് സ്വദേശികളായ തച്ചറത്തൊടിയില് യൂസഫ് (38), തൃത്താല കൊറ്റപ്പാടം സ്വദേശി മാളിയേക്കല് ഷംല (32) എന്നിവരാണ് മരിച്ചത്.
അപകടത്തില്പ്പെട്ട യൂസഫിന്റെ മാതാവ് റംലയെ (55) ഇതുവരെ കണ്ടെത്താനായിട്ടില്ല. ഇവർക്കായുള്ള തിരച്ചില് സിവില് ഡിഫൻസ് ആൻഡ് ആംബുലൻസ് അതോറിറ്റിയുടെ നേതൃത്വത്തില് തുടരുകയാണ്.
ഒമാനിലെ ഇൻകാസ് നേതാവ് ലുബിഷാദിന്റെ ഭാര്യയാണ് മരിച്ച ഷംല. പെരുന്നാള് അവധി ആഘോഷിക്കാനായി യൂസഫിന്റെയും ലുബിഷാദിന്റെയും കുടുംബങ്ങള് ഒന്നിച്ച് യാത്ര പോയതായിരുന്നു.
ഇവർ സഞ്ചരിച്ചിരുന്ന നിസാൻ പട്രോള് വാഹനം പെട്ടെന്നുണ്ടായ ശക്തമായ മലവെള്ളപ്പാച്ചിലില് അകപ്പെടുകയായിരുന്നു.
